තම රටේ ඉන්ධන හෝ බලශක්ති මධ්යස්ථාන ඉලක්ක කරගනිමින් ඇමරිකාව කිසියම් හෝ ප්රහාරයක් එල්ල කළහොත්, ඒ වෙනුවෙන් සමස්ත ගල්ෆ් කලාපය පුරා විසිරී ඇති ඇමරිකානු සබඳතා සහිත සියලුම බලශක්ති යටිතල පහසුකම් වෙත ප්රහාර එල්ල කරන බව ඉරානය අනතුරු අඟවා තිබෙනවා.
ඇමරිකානු ජනාධිපතිවරයා විසින් නිකුත් කර තිබූ අනතුරු ඇඟවීමට ප්රතිචාර වශයෙන් ඉරානය මේ බව සඳහන් කර ඇති බවයි විදෙස් වාර්තා පවසන්නේ.
පැය 48ක් ඇතුළත හෝමූස් සමුද්ර සන්ධිය නැවත විවෘත කිරීමට ටෙහෙරානය අපොහොසත් වුවහොත්, එක්සත් ජනපදය ඉරාන බලාගාර “මකා දමන” බව පවසමින් ජනාධිපති ඩොනල්ඩ් ට්රම්ප් විසින් නිකුත් කරන ලද අවසාන නිවේදනයකින් පසුව මෙම අනතුරු ඇඟවීම ඉරානය නිකුත් කර තිබෙනවා.
