ශ්රී ලංකා වේග පන්දු යවන ක්රීඩක නුවන් තුෂාරට යෝග්යතා පරීක්ෂණය සඳහා පෙනී සිටීමට යළිත් අවස්ථාවක් ලබාදීමට තීරණය කර තිබෙනවා.
ඒ, ඉන්දීය ප්රිමියර් ලීග් ක්රිකට් තරගාවලියට සහභාගී වීමට පෙර ශාරීරික යෝග්යතා පරීක්ෂණයට මුහුණ දුන් තුෂාර එය අසමත්වීම හේතුවෙන්.
ඒ, අනුව ඔහුට තවත් දින හතරක් හෝ පහක කාලයක් තුළ දෙවන වරටත් එයට මුහුණදීමට අවසථාව ලබාදීමටයි ශ්රී ලංකා ක්රිකට් ආයතනය තීරණය කර ඇත්තේ.
මේ අතර පසුගිය වසර 04 තුළ දී ශ්රී ලංකා ක්රිකට් ආයතනය යෝග්යතා ප්රමිතීන් නොසලකා හැරි බව ශ්රී ලංකා හිටපු ක්රිකට් ක්රීඩක චමින්ද වාස් පවසනවා.
සිය එක්ස් ගිණුම් සටහනක් තබමින් චමින්ද වාස් මේ බව පවසා තිබෙනවා.
නූතන ක්රිකට් ක්රීඩාවේ යෝග්යතාවය ඉතා වැදගත් බව පවසන වාස්, එය වසර ගණනාවක් නොසලකා හැර අයි.පී.එල්වලට පෙර හදිසියේම දැඩි ප්රමිතීන් ක්රියාත්මක කළ නොහැකි බවයි ඔහු පවසන්නේ.
ඔබේ ප්රතිචාරය කුමක්ද ?
+1
+1
+1
1
+1
+1
1
+1
+1
