මැදපෙරදිග කලාපයේ ඇතිව තිබෙන යුද්ධය නතර වූවද, එම යුද්ධය මඟින් බලශක්ති සැපයුමට සිදුවන බලපෑම තවත් මාස කිහිපයක් පැවතිය හැකි බව අමාත්ය නලින්ද ජයතිස්ස පවසනවා.
ඔහු මේ බව සඳහන් කළේ අද (27) කළුතර ප්රදේශයේ පැවති වැඩසටහනකට සහභාගී වීමෙන් අනතුරුව මාධ්ය වෙත අදහස් දක්වමින්.
යුද්ධයට සම්බන්ධ දෙපාර්ශවය විසින්ම බලශක්තියට සම්බන්ධ යටිතල පහසුකම්වලට හානි කර ඇති බවත්, යුද්ධයෙන් වැඩිම හානියක් සිදුව ඇත්තේ බලශක්ති ක්ෂේත්රයට බවත්, අමාත්යවරයා පෙන්වා දුන්නා.
කෙසේ වෙතත් එම තත්ත්වය කළමනාකරණය කරගැනීම සඳහා රජය මේ වන විට විවිධ ක්රියාමාර්ග ගෙන ඇති බවත්, විශේෂයෙන්ම රුසියාව, ඉන්දියාව සහ චීනය වැනි රාජ්යයන් සමඟ සාකච්ඡා ආරම්භ කර, එම සාකච්ඡාවන්හි යහපත් ප්රතිඵල මේ වන විට ලබා ගනිමින් පවතින බවත් අමාත්ය නලින්ද ජයතිස්ස වැඩිදුරටත් සඳහන් කළා.
ඔබේ ප්රතිචාරය කුමක්ද ?
+1
+1
+1
4
+1
+1
+1
+1
