ඉම්රාන් ඛාන්ගේ පුත්‍රයා ජිනීවා මානව හිමිකම් සමුළුව අමතයි

හිටපු පාකිස්ථාන අගමැති ඉම්රාන් ඛාන්ගේ පුත්, කාසිම් ඛාන් පෙරේදා (27) ජිනීවාහි එක්සත් ජාතීන්ගේ මානව හිමිකම් කවුන්සිලය (UNHRC) ඇමතුවා.

පාකිස්ථානයේ සිදු වූ බව කියන මානව හිමිකම් උල්ලංඝනයන් සම්බන්ධයෙන් ඔහු බරපතල කනස්සල්ලක් මතු කළ අතර, විශේෂයෙන් 2023 අගෝස්තු මාසයේ සිට සිරගත කර සිටින තම පියා “අමානුෂික” ලෙස රඳවා තබා ගන්නා බව ඔහු ඉස්මතු කළා .

වත්මන් තත්ත්වය “මර්දනයේ රටාවක්” ලෙස විස්තර කරමින්, හිටපු අගමැති සහ අනෙකුත් දේශපාලන සිරකරුවන් වහාම නිදහස් කරන ලෙස කාසිම් ඉල්ලා සිටියා.