සමගි ජන බලවේග පාර්ලිමේන්තු මන්ත්‍රී තිස්ස අත්තනායක මංගල උත්සවයකදී නිරෝධායන නීති නොතකමින් හැසිරෙන ආකාරයක් විදහා දැක්වෙන ඡායාරූප පෙළක් අන්තර්ජාලයේ උණුසුම් පුවතක් මවනවා.
හොරණ ප්‍රදේශයේ උත්සව ශාලාවක පැවති මෙම විවාහ මංගල්‍යයට තමන් සහභාගී වූ බවත් එහිදී කණ්ඩායම් ඡායාරූප ගැනීමේදී සහ ආහාර අනුභවයේදී පමණක් තමන් පැළඳ සිටි මුව ආවරණය ඉවත් කළ බවත් මේ සම්බන්ධයෙන් කළ විමසීමකදී පාර්ලිමේන්තු මන්ත්‍රීවරයා කියා සිටියා.
මෙවැනි ඡායාරූප යොදාගෙන අනවශ්‍ය ප්‍රචාරයන් ලබාගැනීමට උත්සාහ දරණ බාල බොළඳ පුද්ගලයින්ගේ ක්‍රියා සම්බන්ධයෙන් තමන් කලබල නොවන බවත් වැඩිදුරටත් ඔහු කියා සිටියා.
මෙහිදී වැඩිදුරටත් අදහස් දැක්වූ තිස්ස අත්තනායක කියා සිටියේ තමන් වගකිවයුතු දේශපාලනඥයෙකු වශයෙන් සෑම විටම රටේ නීතියට අනුගතව ක්‍රියා කරන බවයි.
අදාළ විවාහ මංගල්‍යය පසුගිය 29 වනදා පැවති උත්සවයක් බවද ඔහු වැඩිදුරටත් කියා සිටියා.
(ඡායාරූප උපුටා ගැනීම අන්තර්ජාලයෙනි)
wpDiscuz
