පුපුරැස්ස, ලෙවලන්වත්ත ප්රදේශයේ දී ඊයේ (24) රාත්රියේ දෙපිරිසක් අතර ඇති වූ ආරවුලක් දුරදිග යාමෙන් තියුණු ආයුධවලින් සහ පොලුවලින් සිදුකළ පහරදීමක දී පුද්ගලයෙකු ජීවිතක්ෂය පත්ව තිබෙනවා.
මෙහිදී තවත් පුද්ගලයින් තිදෙනෙකු තුවාල ලබා රෝහල් ගතකර ඇති බවයි පොලිසිය පවසන්නේ.
මත්පැන් පානය කරමින් සිටි දෙපිරිසක් අතර මෙම ගැටුම හටගෙන ඇති අතර, සිද්ධියෙන් මියගොස් ඇත්තේ 37 හැවිරිදි වියේ පසුවූ අයෙක්.
සිද්ධිය සම්බන්ධයෙන් සැකපිට පුද්ගලයින් පස්දෙනෙකු අත්අඩංගුවට ගෙන ඇති අතර, පුපුරැස්ස පොලිසිය වැඩිදුර පරීක්ෂණ සිදුකරනු ලබනවා.
මේ අතර කල්කුඩා, පට්ටිඅඩිච්චේන ප්රදේශයේ දී පහර කෑමකට ලක්වූ කාන්තාවක් රෝහල් ගත කිරීමේ දී ජීවිතක්ෂයට පත්ව ඇති බව වාර්තා වනවා.
මියගිය කාන්තාවගේ පුත්රයා සහ ඇයගේ නැඟනියගේ පුත්රයා අතර ඇති වූ ආරවුලක් විසඳීමට යාමේදී නැඟනියගේ පුතා එල්ල කළ පොලු පහරක් අදාළ කාන්තාවගේ වැදී ඇති අතර, එහිදී බරපතළ තුවාල ලැබූ ඇය රෝහල් ගත කිරීමේ දී මියගොස් ඇති බවයි පොලිසිය සඳහන් කළේ.
මියගිය කාන්තාව 62 හැවිරිදි වියේ පසුවන තැනැත්තියක් වන අතර පශ්චාත් මරණ පරීක්ෂණය අද (25) දිනයේ සිදුකිරීමට නියමිතව තිබුණා.
සිද්ධිය සම්බන්ධයෙන් අත්අඩංගුවට ගැනුණු සැකකරු වාලච්චේන අධිකරණය වෙත ඉදිරිපත් කිරීමට නියමිත බවයි පොලිසිය වැඩිදුරටත් සඳහන් කළේ.
