මෙවර ශ්‍රී ලංකා පොදුජන පෙරමුණෙන් ජාතික ලැයිස්තුව යටතේ පාර්ලිමේන්තුවට පිවිසෙන මන්ත්‍රීවරුන් කවුරුන් දැයි ප්‍රකාශයට පත් කර තිබෙනවා.
පක්ෂ මහලේකම් නීතිඥ සාගර කාරියවසම් මහතාගේ අනුමැතිය මත මෙම ලැයිස්තුව නිකුත් ව ඇති බවයි වාර්තා වන්නේ.
ඒ අනුව රංජිත් සියඹලාපිටිය සහ නාමල් රාජපක්ෂ මෙවර ජාතික ලැයිස්තුවෙන් පාර්ලිමේන්තුවට පැමිණෙනු ඇති.
ගෑස් සිලින්ඩරය යටතේ තරග කළ නව ප්‍රජාතන්ත්‍රවාදී පෙරමුණ නියෝජනය කරමින් රවි කරුණානායක සහ දිනේෂ් ගුණවර්ධන නම් කෙරෙනු ඇති බවයි වාර්තා වන්නේ.
මෙම පක්ෂයට මන්ත්‍රී ආසන 03ක් පමණක් හිමි වූ අතර දෙදෙනකු ජාතික ලැයිස්තුවෙන් එක්වීමත් සමග ආසන 05ක් ඔවුන්ට හිමිවනු ඇති.
දේශපාලනික ආරංචි මාර්ග සඳහන් කරන්නේ එම පංච මන්ත්‍රීවරුන්ගේ නායකත්වය හිටපු අග්‍රාමාත්‍ය දිනේෂ් ගුණවර්ධන මහතා විසින් හොබවන බවයි.
කෙසේවෙතත් මෙම නව ප්‍රජාතන්ත්‍රවාදී පෙරමුණ ලියාපදිංචි කර ඇත්තේ හිටපු මන්ත්‍රී රවී කරුණානායක විසින් වන අතර ඉදිරියේ දී ජාතික ලැයිස්තුවෙන් හිටපු ජනාධිපති රනිල් වික්‍රමසිංහ මහතාගේ පැමිණීම සම්බන්ධයෙන් සාකච්ඡා කෙරෙනු ඇති බව ද වාර්තා වනවා.
මේ අතර මෙවර පාර්ලිමේන්තු මහ මැතිවරණයට ලක්ෂ 53ක ජනතාවක් ඡන්දය භාවිත කර නොමැති බවට තොරතුරු වාර්තා වනවා.
5,325,108 දෙනෙකු ඡන්දය භාවිත කිරීමට නොපැමිණ ඇති බවයි මැතිවරණ කොමිෂන් සභාව නිවේදනය කළේ.
