මෙවර පළාත් පාලන ආයතන ඡන්ද විමසීමේ නාමයෝජනාවලට එරෙහිව විරෝධතා ගොනු කිරීමේ කාලය අවසන් වුණා.
අද (20) පස්වරු 1.30ට එම ක්රියාවලිය ද අවසන් වූ බවයි වාර්තා වන්නේ.
UPDATE – 1.30 PM
පළාත් පලාන ආයතන ඡන්ද විමසීමට අදාළ නාමයෝජනා භාර ගැනීමේ ක්රියාවලිය මීට ටික වේලාවකට (20) පෙර (මධ්යාහ්න 12ට) අවසන් කෙරුණා.
මැතිවරණ කොමිෂන් සභාව ප්රකාශ කළේ කිසිම අපේක්ෂකයෙකු අද දහවල් 12න් පසු නාමයෝජනා භාරදීමට පැමිණීම නොකළ යුතු බවයි.
අද උදෑසන 08.30 සිට දවල් 12 වන තෙක් දිස්ත්රික්ක ලේකම් කාර්යාල 25ක් කේන්ද්ර කරගනිමින් මෙම නාමයෝජනා භාර දීමේ ක්රියාවලිය සිදු වුණා.
එමෙන්ම ඊයේ මධ්යාහ්න 12න් පසුව මෙවර පුංචි ඡන්දයට අදාළ ඇප මුදල් තැන්පත් කිරීම ද අවසන් කෙරුණු අතර දේශපාලන පක්ෂ සහ ස්වාධීන කණ්ඩායම් 3100කට අධික සංඛ්යාවක් ඇප මුදල් තැන්පත් කර ඇති බවයි මැතිවරණ කොමිෂන් සභාවේ කොමසාරිස් ජනරාල් සමන් ශ්රී රත්නායක මහතා පැවසුවේ.
ඡන්දයට ඉදිරිපත් කෙරුණු නාමයෝජනාවලට විරෝධතා ගොනු කිරීමේ කාලසීමාව මේ වනවිට ඇරඹී ඇති අතර ඊට පැය එකහමාරක කාලයක් ලබා දී තිබෙනවා.
ඉන් අනතුරුව මැතිවරණ කොමිෂන් සභාව විසින් පළාත් පාලන ඡන්දය පැවැත්වන දිනය ප්රකාශයට පත් කරනු ඇති.
