හදිසියේ ඇතිවිය හැකි රසායනික, න්යෂ්ටික සහ පුපුරණ ද්රව්ය ප්රහාරයකදී ක්රියා කළ යුතු ආකාරය පිළිබඳ පෙරහුරුවක්, ගුවන් හමුදා රසායනික ජීව විද්යාත්මක න්යෂ්ටික සහ පුපුරණ ද්රව්ය (CBRNE) පක්ෂාංගය සහ කොළඹ ජාතික රෝහලේ හදිසි අනතුරු ඒකකයේ සාමාජිකයින් සමඟ එක්ව ජාතික රෝහල් පරිශ්රයේදී සිදු කර තිබෙනවා.
කොළඹ ජාතික රෝහලේ නියෝජ්ය අධ්යක්ෂ වෛද්ය ඉන්දික ජාගොඩ මහතා ගුවන් හමුදාපති එයාර් මාර්ෂල් සුදර්ශන පතිරණ මහතාගෙන් ලැබුණු ඉල්ලීමකට අනුවයි මෙය ක්රියාත්මක වූයේ.
අවම කාලයක් තුළ රෝගීන් ගුවන් මගින් හෝ ගොඩබිමෙන් ආරක්ෂිතව ප්රවාහනය කිරීම සහ ක්ෂණික ප්රතිකාර ලබාදීම මෙම පුහුණු අභ්යාසයේ මූලික අරමුණයි.
මෙම අවස්ථාව සඳහා ශ්රී ලංකා ගුවන් හමුදා රසායනික, ජීව විද්යාත්මක, න්යෂ්ටික සහ පුපුරණ ද්රව්ය (CBRNE) පක්ෂාංගයේ නිලධාරීන් මෙන්ම කොළඹ ජාතික රෝහලේ හදිසි අනතුරු ඒකකයේ කාර්යය මණ්ඩලයේ සාමාජිකාවන් පිරිසක් සහභාගී වී සිටියා.
