නව අධ්යාපන ප්රතිසංස්කරණය යටතේ ඉතිහාසය සහ සෞන්දර්ය විෂයන් ඉවත් කර ඇති බවට පළවන වාර්තා සඳහ ප්රකාශ අසත්ය බව අධ්යාපන, උසස් අධ්යාපන සහ වෘත්තීය අධ්යාපන අමාත්ය, අග්රාමාත්ය ආචාර්ය හරිනි අමරසූරිය පවසනවා.
එවැනි අසත්ය ප්රචාර සිදුකරමින් අධ්යාපනය සහ දරුවන්ගේ ජීවිත දේශපාලනයට භාවිත කරනොගන්නා ලෙසයි අග්රාමාත්යවරිය දැනුම් දෙන්නේ.
නව අධ්යාපන ප්රතිසංස්කරණ ක්රියාවලිය පිළිබඳවබස්නාහිර පළාත් අධ්යාපන බලධාරීන් දැනුවත් කිරීම සඳහා අද (17) පැවති වැඩසටහනේ දී අග්රාමාත්යවරිය මේ බව සඳහන් කළා.
“නව අධ්යාපන ප්රතිසංසකරණය හරහා සෞන්දර්යය, ඉතිහාසය සහ වෘත්තීය විෂයක් හැදෑරීම අනිවාර්ය කර තිබෙනවා. නමුත් මේ ජාතික වැඩ පිළිවෙල පිළිබඳ නිසි අධ්යයනයක් කරන්නේ නැතිව සමහර පාර්ශ්ව අසත්ය ප්රචාර කරමින් ඉන්නවා. ඉතිහාසය සහ සෞන්දර්යය විෂය ඉවත් කරලා කියලා. මේ විෂයන් ගැන විෂයේ ප්රවීණයන් සමග දින ගණනක් සාකච්ඡා කරලා සෑම දරුවෙක්ටම ඉතිහාසය හා මානුෂිය ගුණාංග වර්ධනය වන සෞන්දර්යය විෂය හදාරන්න අවස්ථාවක් ලැබෙන ලෙස මේ ප්රතිසංස්කරණය සිදුකරලා තියෙන්නේ. අපි දේශපාලනය කරමු අධ්යාපනය සහ දරුවන්ගේ ජීවිත ඒකට ගාව ගන්නේ නැතිව ඉඳිමු.”
