මින්නේරිය නගරයේ දී සිදු වූ සිදුවීමක් සම්බන්ධයෙන් වන නඩුවක් කල් දමා ගැනීම සඳහා රුපියල් 20,000ක අල්ලස් මුදලක් ඉල්ලූ පිස්කල්වරයෙකු අත් අඩංගුවට ගෙන තිබෙනවා.
පලිහවඩන ආරච්චිලාගේ රුවන් කපිල බණ්ඩාර නමැති පිස්කල්වරයෙකු විසිනුයි මෙම අල්ලස ලබා ගැනීමට උත්සාහ ගෙන ඇත්තේ.
ඔහු හිඟුරක්ගොඩ දිසා මහේස්ත්‍රාත් අධිකරණයේ සේවයේ නියුතු වූවෙක් බවටත් හෙළි ව තිබෙනවා.
මෙම සැකකරු විසින් අදාළ වින්දිත පාර්ශ්වයෙන් අල්ලස් මුදල ඉල්ලා ඇත්තේ ඔහුගේ නඩු කටයුත්ත තමන් දෙවසරකින් කල් දමා දෙන්නම්; යැයි වූ පොරොන්දුවක් මත බවත් සඳහන්.
කෙසේවෙතත් මෙම සිද්ධිය සම්බන්ධයෙන් අදාළ වින්දිත පාර්ශ්වය අල්ලස් හෝ දූෂණ විමර්ශන කොමිෂන් සභාවට පැමිණිලි කර ඇති අතර; ඉන් පසුවයි සිද්ධියට සම්බන්ධ සැකකරුව ඊයේ (03) දින අත්අඩංගුවට ගැනුණේ.
අත් අඩංගුවට ගත් සැකකරු මේ වනවිට (04) පොළොන්නරුව පොලිස් භාරයේ පසුවන අතර ඔහුව අධිකරණයට ඉදිරිපත් කිරීමට නියමිතයි.
