වේග පන්දු යවන ක්‍රීඩක ලහිරු කුමාර ඇෆ්ගනිස්ථානය සමග පැවැත්වෙන 2 වැනි එක්දින තරගය සඳහා සහභාගී නොවනු ඇති බවට තොරතුරු වාර්තා වනවා.
ඒ දෙරට අතර පැවති පළමු එක්දින තරගයේ පන්දු යවමින් සිටියදී වම් පාදයේ අබාධයකට ලක්වීම හේතුවෙන්.
ඔහු තවමත් සුවය ලබමින් සිටින බවටයි ක්‍රිකට් ආරංචි මාර්ග සඳහන් කළේ.
3 වැනි එක්දින තරගය සඳහා ලහිරු කුමාරට ක්‍රීඩා කළ හැකි ද යන්න සම්බන්ධයෙන් කණ්ඩායමේ වෛද්‍ය කාර්ය මණ්ඩලය ඔහුගේ යෝග්‍යතාවය තක්සේරු කර ඉදිරි දින කිහිපය තුළ ප්‍රකාශ කරනු ඇති.
සංචාරක ඇෆ්ගනිස්ථාන කණ්ඩායම සහ ශ්‍රී ලංකාව අතර සූරියවැව ජාත්‍යන්තර ක්‍රීඩාංගණයේ පැවති පළමු තරගයේ ජය හිමි වූයේ ඇෆ්ගනිස්ථානයටයි. දෙරට අතර දෙවන එක්දින තරගය හෙට සූරියවැවදී පැවැත්වීමටයි නියමිතව ඇත්තේ.
ඔබේ ප්‍රතිචාරය කුමක්ද ?
+1
+1
4
+1
4
+1
4
+1
+1
+1
