2025 වසරේ පැවැත්වෙන ඉන්දීය ප්රීමියර් ලීග් තරගාවලියේ දිල්ලි කැපිටල්ස් (DC) කණ්ඩායමේ ප්රධාන පුහුණුකාරී තනතුර ඉන්දීය ක්රිකට් කණ්ඩායමේ හිටපු පිතිකරු වන හේමන්ග් බඩානි පත් කර තිබෙනවා.
ඉන්දීය ක්රිකට් ආරංචි මාර්ග තහවුරු කළේ හේමන්ග් බඩානි (Hemang Badani) අද (17) දිනයේ දී සිය ධුරයේ වැඩ කටයුතු ඇරඹූ බවයි.
එමෙන්ම දිල්ලි කැපිටල්ස් කණ්ඩායමේ නව ක්රිකට් අධ්යක්ෂවරයා ලෙස හිටපු ඉන්දීය පිතිකරු වෙනුගෝපාල් රාඕ (Venugopal Rao) පත් ව තිබෙනවා.
මීට පෙර දිල්ලි කැපිටල්ස් කණ්ඩායමේ ප්රධාන පුහුණුකාරීත්වය දැරුවේ ඔස්ට්රෙලියාවෙන් බිහි වූ විශිෂ්ටතම ක්රීඩකයෙකු ලෙස සැලකෙන රිකී පොන්ටින්ග් විසින්.
නමුත් ඔහු වසර 07කට ආසන්න කාලයකින් අනතුරුව එම තනතුරෙන් ඉල්ලා අස්වුණා.
ඉන්පසුව පුරප්පාඩු වූ එම ධුරයටයි බඩානිව පත් කර ඇත්තේ.
හිටපු ඉන්දීය නායක සවුරව් ගංගුලි විසින් ඉටු කරන ලද ක්රිකට් අධ්යක්ෂවරයාගේ භූමිකාවේ වගකීම මෙවර රාඕට හිමිව තිබෙනවා.
