2024 ඉන්දීය ප්රිමියර් ලීග් ක්රිකට් තරගාවලියේ දෙවැනි තරගයෙන් දිල්ලි කැපිටල්ස් කණ්ඩායම පරදා කඩුළු 04 ක තියුණු ජයක් වාර්තා කිරීමට පන්ජාබ් කිංග්ස් කණ්ඩායම අද(23)දිනයේ සමත් වුණා.
මෙම තරගය ජය ගැනීම සදහා ලකුණු 175ක ඉලක්කයක් හඹා ගිය පන්ජාබ් කණ්ඩායම ඉනිම නිමා වීමට පන්දු 04ක් ඉතිරිව තිබියදී කඩුලු 06ක් දැවී ජයග්රාහී ඉලක්කය පසු කිරීමටයි සමත් වුණේ.
සෑම් කරන් පන්දු 47 කින් ලකුණු 63 ක් ලබා ගත් අතර ලියම් ලිවින්ග්ස්ටන් නොදැවී පන්දු 21කින් රැස් කල ලකුණු සංඛ්යාව 38 ක්.
පන්දු යැවීමේ දී කලීල් අහ්මඩ් හා කුල්දීප් යාදව් කඩුලු 2 බැගින් බිද හෙලුවා.
කාසියේ වාසිය දිනූ පංජාබ් කණ්ඩායම පළමුව පන්දු රැකීමට තීරණය කළා.
ඒ අනුව පළමුව පන්දුවට පහරදුන් දිල්ලි කණ්ඩායම නියමිත පන්දුවාර 20 අවසානයේ කඩුළු 09ක් දැවී ලබා ගත් ලකුණු සංඛ්යාව 174 ක්.
එහිදී ඩේවිඩ් වෝනර් පන්දු 21කින් ලකුණු 29ක්, ෂේයි හෝප් පන්දු 25කින් ලකුණු 33ක් ලබා ගත්තා.
එමෙන්ම අවසන් පන්දුවාරයේ දී ලබා ගත් ලකුණු 25 ද සමගින් පන්දු 10 කින් නොදැවී ලකුණු 32 ක් ලබා ගත් අභිෂේක් පොරෙල් දිල්ලි කණ්ඩායම ලකුණු 170 සීමාව පසු කර රැගෙන යාමට සමත් වුණා.
පන්දු යැවිමේ දී අර්ෂ්දීප් සිං හා හර්ෂාල් පටෙල් කඩුලු 2 බැගින් බිද හෙලුවා.
