දිවයිනට බලපෑ ආපදා තත්ත්වය හේතුවෙන් හානියට පත් වූ මාර්ගවලින් 90%ක් මේ වනවිට ප්රතිසංස්කරණය කර රථවාහන ධාවන සඳහා විවෘත කර ඇති බව මාර්ග සංවර්ධන අධිකාරියේ අධ්යක්ෂ ජනරාල් වරලත් ඉංජිනේරු කේ.ඩබ්. කණ්ඩම්බි පවසනවා.
අද (08) පස්වරුවේ මාධ්ය හමුවක් කැඳවමින් අධ්යක්ෂ ජනරාල්වරයා මේ බව සඳහන් කළා.
මෙහිදී අදහස් දැක්වූ අධ්යක්ෂ ජනරාල්වරයා සඳහන් කළේ ආපදා තත්ත්වය හේතුවෙන් දිවයිනේ මාර්ග 315ක් හානියට පත්ව තිබූ බවයි.
ඉන් මාර්ග 284ක් මේ වනවිට මාර්ග සංවර්ධන අධිකාරිය විසින් ප්රතිසංස්කරණය කර අවසන් බවයි ඔහු වැඩිදුරටත් අදහස් දක්වමින් සඳහන් කළේ.
මධ්යම පළාත තුළ මාර්ග කොටස් 40ක් හානියට පත්ව තිබු බවත් ඉන් මේ වනවිට 25ක් යළි ප්රතිසංස්කරණය කර අවසන් බවයි ඔහු පැවසුවේ.
ඊට අමතරව ඌව පළාතේ මාර්ග 22ක් හානියට පත්ව ඇති අතර, ඉන් 17ක් මේ වනවිට පිළිසකර කර අවසන් බව ද අධ්යක්ෂ ජනරාල්වරයා මෙහිදී සඳහන් කර සිටියා.
එමෙන්ම බස්නාහිර පළාතේ මාර්ග 67 කට හානි සිදුව ඇති බව සඳහන් කළ අධ්යක්ෂ ජනරාල්වරයා එම මාර්ගවලින් මාර්ග සියල්ල යථා තත්ත්වයට පත්කර ඇති බව පැවසුවා.
සබරගමුව පළාත තුළ හානි වූ මර්ග 36න් මාර්ග 34ක් මේ වනවිට පිළිසකර කර අවසන් අතර, උතුරු මැද පළාත තුළ මාර්ග 15ක් හානියට පත්ව ඇති බවත් ඉන් මාර්ග 12ක් පිළිසකර කර අවසන් බවයි ඔහු මෙහිදී පවසා සිටියේ.
ඊට අමතරව වයඹ පළාත තුළ හානියට පත් මාර්ග 58න් මාර්ග 56ක් පිළිසකර කර තිබෙනවා.
උතුරු පළාත තුළ මාර්ග 34ක් හානි වී ඇති බවත්, ඉන් මාර්ග 32ක් යථා තත්ත්වයට පත්කර ඇති බවත් දකුණු පළාත තුළ හානියට පත් වූ මාර්ග තුනම මේ වනවිට යථා තත්ත්වයට පත්කර ඇති බව පැවසුවා.
එමෙන්ම නැගෙනහිර පළාත තුළ හානියට පත් වූ මාර්ග 24 ම මේ වනවිට වාහන ගමනා ගමනයට විවෘත කර ඇති බව ඔහු සඳහන් කළා.
