දෙවුන්දරට දකුණු දෙසින් වූ මුහුදු ප්රදේශයේ දී නාවික හමුදා භාරයට ගැනුණු මත්ද්රව්ය ප්රවාහනය කළ බහුදින ධීවර යාත්රාවේ තිබී මත්ද්රව්ය කිලෝ 123කට ආසන්න ප්රමාණයක් සොයාගත් බව ආරක්ෂක නියෝජ්ය අමාත්ය අරුණ ජයසේකර පවසනවා.
අදාළ බහුදින ධීවර යාත්රාව එහි සිටි සැකකරුවන් පස්දෙනා ද සමඟ අද (16) උදෑසන දික්ඕවිට වරායට රැගෙන එමෙන් අනතුරුව සිදුකළ පරීක්ෂාවකින් අනතුරු මේ බව අනාවරණය වී තිබෙනවා.
ඒ, අනුව අදාළ යාත්රාව තුළ තිබී රුපියල් බිලියන 3කට ආසන්න හෙරොයින් මත්ද්රව්ය මෙලෙස හමුව තිබෙනවා.
දෙවුන්දරට දකුණු දෙසින් වූ මුහුදු ප්රදේශයේ දී අදාළ බහුදින ධීවර යාත්රාව ඊයේ (15) දිනයේ දී ශ්රී ලංකා නාවික හමුදාව විසින් සිදුකළ මෙහෙයුමක දී මත්ද්රව්ය උර 06ක් ද සමඟ නාවික හමුදා භාරයට ගෙන තිබුණා.
මේ අතර බේරුවල මුහුදු සීමාවේදී ද තවත් මත්ද්රව්ය ප්රවාහනය කළ බවට සැක බහුදින ධීවර යාත්රාවක් නාවික හමුදාව විසින් සිය භාරයට ගෙන ඇති බවත් එම යාත්රාව ද මේ වන විට ගොඩබිමට රැගෙන එමින් පවතින බවයි ආරක්ෂක නියෝජ්ය අමාත්යවරයා වැඩිදුරටත් සඳහන් කළේ.
