ශ්රී ලංකා කණ්ඩායමේ නායක දසුන් ශානක ද ආබාධයකට ලක්ව සිටින බව වාර්තා වී තිබෙනවා.
ආබාධ තත්වයක් හේතුවෙන් මතීෂ පතිරණට ද ඔස්ට්රේලියාව සහ නෙදරේලන්තය සමග පැවැත්වෙන තරග දෙකටම සහභාගී වීමට නොහැකි බවටයි අනාවරණ වී ඇත්තේ. ඒ ඔහුගේ උරහිසේ ආබාධයක් හේතුවෙන්.
ඉන්දියාවේ ලක්නව් ක්රීඩාංගණයේ පැවැති ශ්රී ලංකා පුහුණු සැසියට මෙම ක්රීඩකයන් දෙදෙනාම සහභාගි වී නොමැති බවයි සඳහන්.
මේ අතර ලබන සඳුදා ඔස්ට්රේලියාව සමග පැවැත්වෙන තරගයට ලහිරු කුමාර කැඳවා තිබෙනවා.
දසුන් ශානකගේ ආබාධ තත්වය හේතුවෙන් බොහෝ දුරට ඔස්ට්රේලියාව සමග පැවැත්වෙන තරගයේදී ශ්රී ලංකා කණ්ඩායමේ නායකත්වය කුසල් මෙන්ඩිස් විසින් දරනු ඇති.
දසුන් ශානකගේ ආබාධය හේතුවෙන් ඔහුට කොපමණ තරග සංඛ්යාවක් අහිමි වන්නේ ද යන්න මෙතෙක් හෙළිවී නැහැ.
අද පැවති පුහුණු සැසියට දසුන් ශානක සහ මතීෂ පතිරණ හැර සෙසු ක්රීඩකයන් සියලුදෙනාම සහභාගී වී තිබෙනවා.
