දර්ශන් ධර්මරාජ් නමින් මාර්ගයක් නම්කෙරේ (ඡායාරූප)

අභාවප්‍රාප්ත ජනප්‍රිය සිනමා හා ටෙලි නාට්‍ය නළුවෙක් වන දර්ශන් ධර්මරාජ් වෙනුවෙන් මාර්ගයක් නම් කිරීමට පසුගියදා කටයුතු කර තිබෙනවා.

ගොඩකවෙල ප්‍රාදේශීය සභාවට අයත් මාර්ගයක් දර්ශන් ධර්මරාජ්ගේ නමින් මෙලෙස නම්කර ඇති බවයි වාර්තා වුණේ.

ඔහු ඉගෙනුම ලැබූ ශාන්ත ජෝන් දමිළ විද්‍යාලයේ ආදී සිසුන්ගේ අනුග්‍රාහකත්වය යටතේ මෙම මාර්ගය දර්ශන් වෙනුවෙන් නම්කර තිබෙනවා.

හදිසියේ ඇති වූ අසනීප තත්ත්වයක් හේතුවෙන් රෝහල් ගත කිරීමෙන් අනතුරුව ඔහු 2022 වසරේ ඔක්තෝම්බර් 02 වනදා අභාවප්‍රාප්ත වුණා.