මෙවර පන්දුවාර 20-20 කාන්තා ලෝක කුසලාන තරගාවලියේ අවසන් මහා තරගයට සුදුසුකම් ලබාගැනීමට නවසීලන්ත කාන්තා කණ්ඩායම ඊයේ (18) රාත්රියේ සමත් වුණා.
ඒ, දෙවන අවසන් පූර්ව වටයේ දී කොදෙව් කාන්තා කණ්ඩායම ලකුණු 08කින් පරාජය කරමින්.
තරගයේ පළමුව පන්දුවට පහර දුන් නවසීලන්ත කණ්ඩායමෙන් ජයග්රහණය සඳහා කොදෙව් ක්රීඩිකාවන්ට ලකුණු 129ක ඉලක්කයක් හිමි වුණා.
එම ඉලක්කට හඹා ගිය කොදෙව් ක්රීඩිකාවන්ට නියමිත පන්දුවාර 20 තුළ කඩුලු 08ක් දැවී රැස්කරගත හැකි වූයේ ලකුණු 120ක් පමණයි.
ඒ, අනුව නවසීලන්ත ක්රීඩිකාවන් 2010 වසරෙන් පසුව විස්සයි විස්ස ලෝක කුසලානයට අවසන් මහා තරගය සඳහා සුදුසුකම් ලබා ගැනීමට සමත් වුණා.
මෙවර කාන්තා 20-20 ලෝක කුසලාන තරගාවලියේ අවසන් මහා තරගය සඳහා දකුණු අප්රිකානු කාන්තා කණ්ඩායම සුදුසුකම් ලබා ඇති අතර, අවසන් මහා තරගය හෙට (20) දිනයේ ඩුබායිහිදී පැවැත්වීමට නියමිතයි.
නවසීලන්ත කාන්තා කණ්ඩායමක් 0-20 ලෝක කුසලාන තරගාවලියක අවසන් මහා තරගය සඳහා සුදුසුකම් ලැබූ ඉතිහාසයේ පළමු අවස්ථාව මෙය වන අතර, දකුණු අප්රිකානු ක්රීඩිකාවන් 2023 වසරේ දී අනු ශූරියන් බවට පත් වුණා.
