පානදුර – පින්වත්ත ප්රදේශයේ සංචාරක හෝටලයක වැසිකිළි වළක් තුළ තිබී කාන්තා මළ සිරුරක් සොයා ගැනීමේ සිද්ධියට සම්බන්ධ ප්රධාන සැකකරු පොලිසිය විසින් අත්අඩංගුවට ගෙන තිබෙනවා.
තුෂාරි දිල්හානී නමැති අදාළ කාන්තාව ඝාතනය කර වැසිකිළි වළක දමා තිබිය දී පසුගිය මාර්තු මස 29 වනදා සොයාගත් අතර, ඇයගේ ඝාතනයේ ප්රධාන සැකකරුයි මෙලෙස අත්අඩංගුවට ගෙන ඇත්තේ.
සැකකරු කිරිඉබ්බන්ආර ප්රදේශයේ දී අත්අඩංගුවට ගැනීමට හැකි වූ බවයි පානදුර කොට්ඨාස අපරාධ විමර්ශන ඒකකය සඳහන් කළේ.
සැකකරු අදාළ කතාව ඝාතනය කළ හෝටලේ කළමනකරු ලෙස සේවය කළ තැනැත්තා වන අතර, ඔහු පොලිසියෙන් මිදීම සදහා වරින්වර පදිංචිය වෙනස් කරමින් සිට ඇති බව සඳහන්.
සැකකරු තුෂාරීගේ මළසිරුර සොයාගැනිමට පෙරදින රාත්රියේ හෝටල් පරිඝණකයේ දත්ත මකාදමා පුද්ගලික ලියකියවිලිද රැගෙන ඇඹිලිපිටිය බලා ගමන්කර ඇති බව කරුණු අනාවරණය වී තිබෙනවා.
ඝාතනයට ලක් වූ තුෂාරි දිල්හානී නමැති කාන්තාව ඝාතනයට දින කීපයකට පෙර හදුනාගෙන ඇති බවයි හෙළිව ඇත්තේ.
පසුව කඩවත ප්රදේශයේ රාත්රි සමාජ ශාලවක සිට පානදුර හෝටලයකට ඇය කැඳවාගෙන ඇවිත් එහි කාමරයක රඳවා සැකකරු තවත් පුද්ගලයන් තිදෙනකු සමඟ වරින්වර ඇය සමග එකට සිට ඇති බවට විමර්ශන වලදී අනාවරණය වී තිබෙනවා.
පසුව කාන්තාව ඝාතනය කිරීමෙන් අනතුරුව ඇයගේ සිරුර වැසිකිළිවලට දමා එය වසා කාන්තාවගේ ගමන් බෑගය මුහුදු වෙරළට ගොස් පුළුස්සා දැමූ බවයි සැකකරුපවසා ඇත්තේ.
ඝාතනයට ලක්වූ තුෂාරි දිල්හානී ගණේමුල්ල, බොල්ලන ප්රදේශයේ පදිංචිකරිනියක් බවයි වාර්තා වුණේ.
