තීරුබදු රහිත ව හොර රහසේ මෙරටට ගෙන්වන ලද රුපියල් එක්කෝටි හැට ලක්ෂයක් පමණ වටිනා දුම්වැටි තොගයක් කන්ටේනර රථයකින් ප්‍රවාහනය කරමින් සිටි පුද්ගලයකු කැලණිතිස්ස විදුලි බලාගාරය අසල දී අත්අඩංගුවට ගත් බව පොලිස් විශේෂ කාර්යය බලකා සංවිධානාත්මක අපරාධ මර්දන ඒකකය පවසනවා.
කන්ටේනර් රථයකින් හෙරොයින් මත්කුඩු ප්‍රවාහනය කරන බවට ලද තොරතුරකට අනුව‍යි එම රථය නවතා සිදුකළ පරික්ෂාවේ දී මෙම දුම්වැටි තොගය හමු වී ඇත්තේ.
මෙලෙස අත්අඩංගුවට ගෙන ඇත්තේ 65 හැවිරිදි මාකොළ ප්‍රදේශයේ පදිංචිකරුවෙක්.
සැකකරුගෙන් කළ ප්‍රශ්න කිරීම්වල දී ඔහු පවසා ඇත්තේ; මෙම කන්ටේනර් රථය අඩි 40ක් පමණ දිග බවත් එය ඔරුගොඩවත්ත බහාලුම් ඒකකය වෙත රැගෙන යන බවටයි.
සිද්ධිය සම්බන්ධයෙන් පොලිස් විශේෂ කාර්යය බලකා සංවිධානාත්මක අපරාධ මර්දනය ඒකකය පරීක්ෂණ වැඩිදුර පරීක්ෂණ පවත්වනවා.
ඔබේ ප්‍රතිචාරය කුමක්ද ?
+1
+1
+1
1
+1
1
+1
+1
+1
