ආගමන හා විගමන දෙපාර්තමේන්තුවේ පරිගණක දත්ත පද්ධතියේ ඇතිවූ තාක්ෂණික දෝෂය මේ වන විට නිවැරදි කිරීමට කටයුතු කර ඇති බව එම දෙපාර්තමේන්තුවේ නියෝජ්ය පාලක සහ මාධ්ය ප්රකාශක මහේෂ් කරුණාදාස පවසනවා.
ඒ, අනුව සාමාන්ය ගමන් බලපත්ර, එක්දින ගමන් බලපත්ර සහ වීසා නිකුත් කිරීමේ කටයුතු සාමාන්ය පරිදි සිදුකරමින් පවතින බවයි ඔහු සඳහන් කළේ.
එමෙන්ම ආගමන හා විගමන දෙපාර්තමේන්තුවේ ඇති ශාඛාවල කටයුතුත් සාමාන්ය පරිදි මේ වනවිට සිදුකරමින් පවතින බවයි මාධ්ය ප්රකාශකවරයා වැඩිදුරටත් පවසා සිටියේ.
මේ වන විට කඩිනමින් නිකුත් කළ යුතු සහ ඉතාම අත්යවශ්ය සැපයීම් කටයුතු මේ වන විට ආරම්භ කර ඇති බව ද ඔහු සඳහන් කළා.
ආගමන හා විගමන දෙපාර්තමේන්තුවේ පරිගණක දත්ත පද්ධතියේ ඊයේ (12) ඇතිවූ හදිසි දෝෂයක් හේතුවෙන් එහි සේවා බිඳ වැටුණා.
මේ සමඟ එම දෙපාර්තමේන්තුවේ සියලුම ශාඛාවන් හී සේවාවන්ද බිඳ වැටීමට ලක්වූ අතර, මේ හේතුවෙන් එම දෙපාර්තමේන්තුවේ සේවාවන් ලබාගැනීමට පැමිණි පුද්ගලයින් දැඩි අපහසුතාවයකට පත් වුණා.
