සංශෝධිත ත්‍රස්ත විරෝධී පනත් කෙටුම්පත පිළිබඳ සලකා බැලීම සඳහා එහි සාමාන්‍ය නිරීක්ෂණ සහ නිර්දේශ ශ්‍රී ලංකා මානව හිමිකම් කොමිෂන් සභාව විසින් අධිකරණ අමාත්‍යවරයා වෙත ඉදිරිපත් කර තිබෙනවා.
පොදු නිරීක්ෂණ සහ නිර්දේශ ඉදිරිපත් කිරීම පහත පරිදි වේ;
එහි විෂය පථය පටු කිරීම මගින් ‘ත්‍රස්තවාදයේ වරද’ අර්ථ දැක්වීම සැලකිය යුතු ලෙස සංශෝධනය කරන්න;
ආණ්ඩුක්‍රම ව්‍යවස්ථාවේ 13(2) ව්‍යවස්ථාව මගින් අපේක්ෂා කරන පරිදි ‘ත්‍රස්තවාදී වරදක්’ සම්බන්ධයෙන් සැක කරන ඕනෑම තැනැත්තෙකුට එරෙහිව නිකුත් කර ඇති යම් රැඳවුම් නියෝගයක් අධිකරණ අධීක්‍ෂණයට යටත් වන බවට සහතික වීම;
‘ත්‍රස්තවාදී වරදක්’ සම්බන්ධයෙන් සැකපිට අත්අඩංගුවේ පසුවන ඕනෑම සැකකරුවෙකුට ඇප ලබාදීමට විනිසුරුවරයෙකුට සෑම විටම අර්ථාන්විත බලයක් ඇති බව සහතික කිරීම;
නිදහස අහිමි ඕනෑම පුද්ගලයෙකුට අත්තනෝමතික හෝ අසාධාරණ කොන්දේසිවලින් තොරව නීති උපදෙස් සඳහා කඩිනම් සහ අර්ථවත් ප්‍රවේශයක් ලබා දෙන බවට සහතික වීම; සහ
ජනතාවගේ මූලික අයිතිවාසිකම් සීමා කරමින් නියෝග නිකුත් කිරීමට පොලිසියට බලතල ලබා දීමෙන් වළකින්න.
මෙම නිරීක්ෂණ පාර්ලිමේන්තු න්‍යාය පත්‍රයට ඇතුළත් කිරීමට පෙර සලකා බලා ඒවා ඇතුළත් කරන ලෙසටයි මානව හිමිකම් කොමිසම අධිකරණ අමාත්‍යවරයාගෙන් ඉල්ලා ඇත්තේ.
