සතියක සිට කැලිෆෝනියාවේ ලොස් ඇන්ජලීස් ප්රමුඛ තවත් ප්රාන්ත ගණනාවකට දැඩි තර්ජනයක් සහ විනාශයක් සිදු කරමින් ඇවිළෙන ළැව්ගිනි ජාලාවේ තවමත් පසුබෑමක් හෝ අඩපණ වීමක් දක්නට නොලැබෙන බව CNN මාධ්ය වාර්තා සඳහන් කරනවා.
මෙම ළැව්ගිනි ජාලාවෙන් ලොස් ඇන්ජලීස් හි මිලියන 06කට අධික ප්රජාවක් තවමත් බරපතළ අවදානමකට ලක් ව ඇති බවයි එම විදෙස් පුවත් සේවය වාර්තා කර ඇත්තේ.
අද (15) වන විටත් එම ප්රදේශ හරහා දැවැන්ත සුළං හමා යමින් පවතින අතර මේ හේතුවෙන් ළැව්ගිනි වර්ධනය වී ශීඝ්රයෙන් පැතිර යමින් පවතින බවත් එම වාර්තාවේ සඳහන්.
මෙම ළැව්ගිනි මැඩපැවැත්වීමට ගිනි නිවන භටයින් දහස් ගණනක් යොදාගෙන ඇති බවත් වාර්තාවනවා.
කෙසේවෙතත් ළැව්ගිනිවලට හසු වීමෙන් එම ප්රාන්තය තුළ පමණක් මේ වනවිට පුද්ගලයින් 25 දෙනෙකු මියගොස් තිබෙනවා.
ලොස් ඇන්ජලීස් ප්රාන්තයෙන් පිටත නගර ඇතුළුව දකුණු කැලිෆෝනියාවේ විශාල ප්රදේශයක ජනකායක් තවදුරටත් ගින්නෙන් පීඩා විඳින බවයි වාර්තා වන්නේ.
