තණමල්විල – මාතර පාරේ වාහන තුනක් මතට විශාල ගසක් කඩා වැටී දරුණු අනතුරක් (වීඩියෝ)

තණමල්විල – මාතර මාර්ගයේ ගමන් කරමින් තිබූ යතුරුපැදියක් ,බස් රථයක් සහ විදේශීකයින් රැගත් වෑන් රථයක් මතට විශාල ගසක් කඩා වැටී තිබෙනවා.

රනවරණාව ප්‍රදේශයේ දී මෙම අනතුර සිදුව ඇති අතර, එහිදී යතුරුපැදියේ ගමන්ගත් දෙදෙනෙක් තුවාල ලබා රෝහල් ගතකර ඇති බවයි වාර්තා වුණේ.

තුවාල ලැබූ කාන්තාව සහ පිරිමි පුද්ගලයා ප්‍රතිකාර සඳහා ඇතුළත් කර ඇත්තේ තණමල්විල මූලික රෝහලටයි.

එහිදී බරපතළ තත්ත්වයේ සිටි වයස අවුරුදු 24ක් වන පිරිමි පුද්ගලයා වැඩිදුර ප්‍රතිකාර සදහා හම්බන්තොට මහ රෝහලට මාරු කර යවා තිබෙනවා.

ගස කඩා වැටීමෙන් රථ වාහනවලට දැඩි අලාභ හානි සිදුව ඇති බවයි වාර්තා වුණේ.