ඊයේ(23) සවස නාගදීප දූපත් වෙරළේ තිබි අතුරුදහන්ව සිටි ධීවරයින් දෙදෙනාගෙන් අයෙකුගේ මළ සිරුරක් යාපනය,ඩෙල්ෆ් දූපතෙන් සොයාගත් බව යාපනය ඩෙල්ෆ් පොලිසිය පවසනවා. යාපනය ඩෙල්ෆ් ප්රදේශයේ පදිංචි ඥානසිංගම් රමේෂ් නමැති 41 හැවිරිදි පුද්ගලයෙකු හා රංජන් මයන් නමැති 19 හැවිරිදි තරුණයෙකු පසුගිය 21 වැනිදා මසුන් ඇල්ලීමට ගොස් සිටියදී එලෙස අතුරුදහන් වී ඇති බවයි.
අතුරුදහන්ව සිටි යාපනය,ඩෙල්ෆ් දූපතේ හයවන පටුමඟ ප්රදේශයේ පදිංචි 19 හැවිරිදි තරුණයාගේ මළ සිරුර වෙරළට ගොඩගසා තිබියදී එලෙස සොයාගන තිබෙනවා. අතුරුදහන්වු අනෙක් ධීවරයා සොයා නාවික හමුදා නිළධාරීන්,ප්රදේශයේ ධීවරයින් සෝදිසි මෙහෙයුම් සිදුකරමින් පවතින බවද පොලිසිය සදහන් කළා. අතුරුදහන්වු ධීවරයින්ගේ යාත්රාව පෙරළි ඇති බවට සැක කරන අතර, සිද්ධිය සම්බන්ධයෙන් ඩෙල්ෆ් පොලිසිය හා යාපනය ධීවර පරීක්ෂක කාර්යාලය වැඩිදුර පරීක්ෂණ පවත්වනවා.
