ටිල්වින් සිල්වාගේ දූවරු දෙන්නා උසස් පෙළ කලා අංශයෙන් පළමු තැනට හා තෙවැනි තැනට ? බුකියේ පැතිරෙන කතාවේ ඇත්ත නැත්ත මෙන්න

2020 අ.පො.ස උසස් පෙළ ප්‍රතිඵල මීට සුළු මොහොතකට පෙර නිකුත් වුණා. මේ අතර, ජනතා විමුක්ති පෙරමුණේ ප්‍රචාරක ලේකම්, ටිල්වින් සිල්වාගේ දරුවන් දෙදෙනෙකු මෙවර උසස් පෙළ කලා අංශයෙන් දිවයිනේ ප්‍රථම හා තෙවන ස්ථාන ලබාගෙන ඇති බව සඳහන් කළ ඡායාරූපයක් අන්තර්ජාලය පුරා හුවමාරු වෙමින් තිබෙනවා.

එහි ඇත්ත නැත්ත දැනගැනීමට හිරු ගොසිප් අපි, ටිල්වින් සිල්වාට කතා කළා.“මේ ෆොටෝ එක මීට අවුරුදු දෙක තුනකට කලින්, දෙහිඅත්තකණ්ඩිය පැත්තේදී ගත්ත ෆොටෝ එකක්. මේ දරුවෝ දෙන්නා අපේ පාක්ෂිකයෙකුගේ දරුවෝ දෙන්නෙක්. ඒ දවස්වල කවුරුහරි මේක ෆේස්බුක් එකට දාන්න ඇති. ඒ ෆොටෝ එක අරගෙන මගේ දරුවෝ දෙන්නා උසස් පෙළ විභාගය සමත් කියලා ඔය විදිහට කවුරුහරි පෝස්ට් එකක් හදලා. මේ ෆොටෝ එක ඇත්ත වුණාට, කියලා තියෙන කතාව බොරු….”