මැදපෙරදිග කලාපයේ යුද ගැටුම් පැවතිය ද මෙම මාසට තුළ දී මෙරට ඉන්ධන මිලේ සංශෝධනයක් සිදු නොවන බව ලංකා ඛනිජ තෙල් නීතිගත සංස්ථාවේ සභාපති ඩී.ජේ රාජකරුණා පවසනවා.
අද (03) පෙරවරුවේ මාධ්ය හමුවක් පවත්වමින් සභාපතිවරයා ඒ බව සඳහන් කළා.
“ඉතාමත්ව පැහැදිලිව මේ මාසය තුළ දී ඉන්ධන මිලේ සංශෝධනයක් වෙන්නේ නැහැ. අපේ තියෙන්නේ අපි විශාල ලාභගන්නෙත් නැහැ ජනතාවට පාඩු කරන්නෙත් නැහැ. ඒ එන ලාභය හෝ පාඩුව ජනතාවත් එක්ක බෙදාගන්න එකක් තමයි තියෙන්නේ.ඒ නිසා අපිට දැන් තියන තත්ත්වේ හැටියට මේ මාසේ ඇතුළත කිසිඳු මිල සංශෝධනයක් සිද්ධවෙන්නේ නැහැ.”
ඒ, අනුව බ්රෙන්ට් බොරතෙල් බැරලයක මිල අඩොලර් 1.70 කින් හෙවත් සියයට 2.2 කින් ඉහළ ගොස් ඩොලර් 79.44ක් ලෙස සටහන්ව තිබෙනවා.
එමෙන්ම ඇමරිකානු බොරතෙල් බැරලයක මිල ඩොලර් 1.17කින් හෙවත් සියයට 1.6 කින් ඉහළ ගොස් ඩොලර් 72.40ක් ලෙස සටහන්ව ඇති බවයි වාර්තා වුණේ.
