ටිපර් රථයකට යටවීමෙන් 17 හැවිරිදි වියෙහි පසු වූ පිරිමි ළමයෙක් ජීවිතක්ෂයට පත් ව තිබෙනවා.
අදාළ අනතුර සිදුවන ආකාරය ආරක්ෂිත කැමරාවක සටහන් ව ඇති අතර; මෙම අනතුර සිදු ව ඇත්තේ මීගොඩ – බොරකැටිය මාර්ගයේ දී යි.
ටිපර් රථයක් මොරගහහේන දෙස සිට බෙරැකැටිය මාර්ගයේ මීගොඩ දෙසට ධාවනය වීමේ දී ඊට ප්රතිවිරුද්ධ දිශාවෙන් පිරිමි දරුවා පදවාගෙන පැමිණි යතුරුපැදිය ටිපර් රථයෙහි බඳේ ගැටී මෙම අනතුරු සිදු ව ඇති බවයි පැවසෙන්නේ.
අනතුරෙන් බරපතළ තුවාල ලද පිරිමි දරුවා හෝමාගම මූලික රෝහලේ ප්රතිකාර ලබමින් සිටියදී මියගොස් ඇති අතර; ඔහු මීගොඩ – දාම්පේ ප්රදේශයේ පදිංචිකරුවෙක්.
අනතුරින් පසුව ටිපර් රථ රියදුරු පලා ගිය ද; ඔහුව පොලිස් අත්අඩංගුවට ගෙන තිබෙනවා.
සැකකරු 47 හැවිරිදි වියෙහි පසුවන අයෙක් වන අතර ඔහු හෝමාගම මහේස්ත්රාත් අධිකරණය වෙත ඉදිරිපත් කිරීමට නියමිතයි.
අනතුර සිදුවන ආකාරය ටිපර් රථය පිටිපසින් ආ මෝටර් රථයේ සවිකර තිබූ ආරක්ෂිත කැමරාවේ සටහන් ව තිබුණා.
