මහනුවර ශ්‍රී දළඳා මාලිගාවේ පිහිටි පැරණි උඩරට රජ මාලිගාව සහ පුරාවිද්‍යා කෞතුකාගාරය ඊයේ (11) විවෘත කර මහජන අයිතියට භාර කෙරුණා.
මෙම ගොඩනැගිල්ල සම්පූර්ණයෙන් ම ප්‍රතිසංස්කරණය කිරීමේ මූල්‍ය ශක්තිය ලබා දුන්නේ අමෙරිකා එක්සත් ජනපදය විසින්.
මේ හේතුවෙන් අදාළ සමරු ඵලකය විවෘත කිරීමට මෙරට සිටින අමෙරිකානු තානාපතිනි ජූලි චන්ග් මහත්මිය ද එක් ව සිටියා.
මෙම ගොඩනැගිල්ල ප්‍රතිසංස්කරණය කිරීමට පුරාවිද්‍යා දෙපාර්තමේන්තුව සහ බුද්ධ ශාසන සහ සංස්කෘතික කටයුතු අමාත්‍යාංශය ද දායක වී තිබෙනවා.
මෙකී උත්සව අවස්ථාවට සහභාගී වීමට පෙර අමෙරිකානු තානාපතිනිය මල්වතු හා අස්ගිරි මහ නා හිමිවරුන් බැහැ දැක ආශිර්වාද ලබා ගත්තා.
එහිදී ඇය විසින් පසුගිය රාජ්‍ය සමයේ දී මෙරට දූෂණ චෝදනාවලට ලක් වූ ඉහළ පෙළේ රාජ්‍ය තාන්ත්‍රිකයින් දෙදෙනකුගේ ද පුරවැසිභාවයට සිය රජයෙන් වාරණ දැමීමට කටයුතු කළ බවටයි දැනුම්දී ඇත්තේ.
