අපේ රටේ ඉන්න ප්‍රකට කලා පවුලක් තමයි ඇන්තනී පවුල කියලා කියන්නේ. ඇන්තනී පවුල ගැන අමුතුවෙන් කාටවත් කියන්න ඕනි නෑ. ඔවුන් මෙරට කලා ක්ෂේත්‍රයේ ප්‍රකට නමක් දිනා සිටිනවා වගේම ඒ පවුලේ සියලු දෙනාම විවිධ අංශයන්ගෙන් දක්ෂතා පෙන්වන කාගෙත් ආදරය දිනාගත් පිරිසක්.
ජැක්සන් ඇන්තනී මහතාගේ බිරිඳ කුමාරි මුණසිංහ මහත්මිය ද අපේ රටේ කලා ක්ෂේත්‍රයේ විවිධ ඉසව් නියෝජනය කරමින් නමක් දිනා සිටින කලාකාරිනියක්. එම දෙපළගේ දූ දරුවන් වන මාධවී, අඛිල සහ සජිත කලා ක්ෂේත්‍රයේ රංගනය, නර්තනය හා නිවේදනය ආදී සෑම අංශයකම කැපී පෙනෙන දක්ෂතා දක්වන අය, ඒ වගේම ඔවුන් තිදෙනාම මේ වෙද්දි විවාහකයි.
ඉතින් ජැක්සන් ඇන්තනී මහතාගේ පවුලට යූටියුබ් සිල්වර් බට්න් 03ක් හිමි වෙලා තියෙනවා. ජැක්සන් ඇන්තනී, මාධවී වත්සලා ඇන්තනී සහ සජිත අනුත්තර ඇන්තනී තුන්දෙනා විසින් පවත්වා ගෙන යන යූටියුබ් නාලිකා 03කට අදාළව තමයි ඒවා ලැබිලා තියෙන්නේ. ඉතින් මේක එකම පවුලකට යූටියුබ් බට්න් 03ක් හිමි වූ ප්‍රථම හා එකම අවස්ථාව විදිහට සලකන්න පුළුවන්.
