හෙට (19) දිනයේ පැවැත්වීමට නියමිත ජාතික රණවිරු සැමරුම් උත්සවයට සමගාමීව බත්තරමුල්ල ප්රදේශයේ විශේෂ රථවාහන සැලැස්මක් ක්රියාත්මක බව පොලිසිය පවසනවා.
සැමරුම් උත්සවය පැවැත්වෙන පස්වරු 4.00 සිය 6.00 දක්වා කාලසීමාව තුළ මාර්ග වසා දැමීමක් සිදු නොකරන බවයි පොලිසිය දැනුම් දෙන්නේ.
කෙසේ වෙතත් රණවිරු සැමරුම් උත්සවය පැවැත්වෙන ප්රදේශයේ රථවාහන අවහිරතාවක් සිදුවුවහොත් පොල්දූව මංසන්ධියේ සිට ජයන්තිපුර හරහා කියන්යෑම් හන්දිය දක්වා පාර්ලිමේන්තු මාර්ගයේ රථවාහන කොළඹින් පිටවීම හා කොළඹට ඇතුළුවීම සීමා කරන බවයි පොලිසි වැඩිදුරටත් පවසා සිටියේ.
මේ අතර විකල්ප මාර්ග ලෙස කොළඹින් පිටවන වාහන සදහා පොල්දූව මංසන්ධියෙන් බත්තරමුල්ල හන්දිය දක්වා ගමන්කර පාලම් තුන හන්දියෙන් කියන්යෑම් හන්දිය දක්වා ගමන් කළ හැකියාව පවතිනවා.
එමෙන්ම කොළඹට ඇතුළුවන වාහන සඳහා කියන්යෑම් හන්දියෙන් පාලම් තුන හන්දියෙන් බත්තරමුල්ල හන්දිය දක්වා ගමන්කර පොල්දූව මංසන්ධියෙන් කොළඹ දක්වා ගමන් කළ හැකි බවයි පොලිසිය පවසන්නේ.
