ජාත්‍යන්තර මූල්‍ය අරමුදලේ නියෝජිතයින් පිරිසක් ශ්‍රී ලංකාව සම්බන්ධයෙන් වන විස්තීරණ ණය පහසුකමේ තෙවන සමාලෝචන සඳහා දිවයිනට පැමිණ තිබෙනවා.
මෙම නියෝජිත පිරිස ජනාධිපතිවරයා, අමාතයාංශ නිලධාරීන් සහ මහ බැංකු නිලධාරීන් හමුවීමට නියමිත බවයි මුදල් අමාත්‍යාංශය සඳහන් කළේ.
ලබන සිකුරාදා වනවිට ජාත්‍යන්තර මූල්‍ය අරමුදලේ නියෝජිත පිරිස තුන්වැනි සමාලෝචනයේ මූලික කටයුතු අවසන් කිරීමට කටයුතු කරනු ඇතැයි වාර්තා වනවා.
මෙරට ආර්ථිකය යළි ප්‍රකෘතිමත් කිරීම සඳහා ජාත්‍යන්තර මුල්‍ය අරමුදලේ සිව් අවුරුදු විස්තීරණ ණය පහසුකම යටතේ ඩොලර් බිලියන 2.9ක ණය මුදලක් මෙරටට ලබාදීමට අනුමත කර තිබෙනවා.
එහි පළමු වාරිකය ලෙස ඇමරිකානු ඩොලර් මිලියන 333ක මුදල, 2023 මාර්තු 21 වනදා මෙරටට ලබාදුන් අතර, 2023 දෙසැම්බර් 13 වනදා එහි දෙවන ණය වාරිකය වූ ඩොලර් මිලියන 337ක මුදලක් මුදාහැරුණා.
ඔබේ ප්‍රතිචාරය කුමක්ද ?
+1
1
+1
+1
+1
+1
+1
+1
