එක්දින ක්රිකට් ලෝක කුසලානය යටතේ පැවැත්වෙන 22 වැනි තරගය ජයග්රහණය කිරීමට පාකිස්ථාන කණ්ඩායමෙන් ඇෆ්ගනුන් හට මීට ටික වේලාවකට පෙර ලකුණු 283ක ඉලක්කයක් හිමි වුණා.
තරගය අද පස්වරු දෙකට ආරම්භ වූයේ නායක බාබර් අසාම් හට කාසියේ වාසියේ දිනුම ද හිමිකර දෙමින්.
චෙන්නායි හි දී පැවැත්වෙන මෙම තරගයේ කාසියේ වාසිය දිනූ බාබර් තීරණය කළේ පළමු ව පන්දුවට පහරදීමටයි.
ඒ අනුව පිටියට පිවිසි පාකිස්ථාන මුල් පෙළ පිතිකරුවන් හට පෙර ආකාරයේ ප්රවේගකාරී පිතිකරණයක යෙදීම අවසරය ලබා නොදෙන්නටයි ඇෆ්ගන් පන්දු බලඇණිය ක්රියා කළේ.
ශඩබ් ඛාන් සහ ඉෆ්තිකර් අහමඩ් අතරේ පමණක් සයවැනි කඩුල්ල වෙනුවෙන් ඉහළ ලකුණු සබඳතාවක් ගොඩනැගුණා.
එම සබඳතාව බිඳ වැටුණේ පන්දු 26කට ලකුණු 40ක් ලබා සිටි ඉෆ්තිකර් නවීන් යොමු කළ පන්දුවක් හමුවේ දැවී යාමත් සමගයි.
නායක බාබර් අසාම් ලකුණු 74ක් ද, ආරම්භක පිතිකරු අබ්දුල්ලා ලකුණු 58ක් ද රැස් කළා.
ශඩබ් ඛාන් පන්දු 38කට ලකුණු 40ක් ලබා සිටියදී පන්දුවාර 50 පිරෙන අවස්ථාවේ දී දැවී ගියේ පාකිස්ථානයේ සත්වැනි කඩුල්ල ලෙසටයි.
ඒ නවීන්ගේ පන්දුවක් හමුවේයි.
කඩුලු බිඳ දැමීමේ දී නූර් අහමඩ් කඩුලු 03ක් ද, නවීන්ගෙන් කඩුලු 02ක් ද, නබි සහ ඔමර් සායි එක් ව එක් කඩුල්ල බැගින් බිඳ හෙලුවා.
තරගය ජයග්රහණය කිරීමට ප්රතිවාදී ඇෆ්ගනිස්ථානයට පන්දු 300ක දී කඩුලු 10ක් තුළ ලකුණු 283 ක් ලබාගත යුතු වනවා.
