ශ්රී ජයවර්ධනපුර විශ්වවිද්යාලයේ සමාජවිද්යා අධ්යයනාංශයේ විද්යාර්ථීන් වෙනුවෙන් පාර්ලිමේන්තු ක්රමවේදය පිළිබඳ දැනුවත් කිරීමේ විශේෂ වැඩසටහනක් පාර්ලිමේන්තුවේ දී පැවැත්වුණා.
වැඩ බලන මහලේකම් චමින්ද කුලරත්න මහතාගේ ප්රධානත්වයෙන් මෙම වැඩසටහන පසුගියදා (04) පාර්ලිමේන්තුවේ දී පැවැත්වුණු බවයි පාර්ලිමේන්තු සන්නිවේදන අංශය සඳහන් කළේ.
මෙම වැඩසටහන සඳහා පාර්ලිමේන්තුවේ සහකාර මහ ලේකම් හංස අබේරත්න, පාර්ලිමේන්තුවේ අධ්යක්ෂ (ව්යවස්ථාදායක සේවා) සහ වැඩ බලන අධ්යක්ෂ (සන්නිවේදන) ජයලත් පෙරේරා මහතා හා ශ්රී ජයවර්ධනපුර විශ්වවිද්යාලයේ සමාජවිද්යා අධ්යයනාංශයේ ජ්යෙෂ්ඨ මහාචාර්ය මයුර සමරකෝන් යන මහත්වරු ද සහභාගී ව සිටියා.
මෙහිදී පාර්ලිමේන්තුව සහ ව්යවස්ථාදායක ක්රියාවලිය පිළිබඳව විද්යාර්ථීන් දැනුවත් කරමින්,
පාර්ලිමේන්තුවේ වැඩ බලන මහලේකම් චමින්ද කුලරත්න මහතා මුඛ්ය දේශනය සිදු කළ අතර ඉන් අනතුරුව විද්යාර්ථීන් විසින් ඉදිරිපත් කළ ප්රශ්න සඳහා පිළිතුරු දීමේ වටයක් ද ක්රියාත්මක කෙරුණා.
