ජපන් රජයේ මූල්‍යාධාර මත උතුරු පළාතේ දිස්ත්‍රික්ක 05ට සහ කුරුණෑගල, ත්‍රිකුණාමලය සහ මඩකලපුව දිස්ත්‍රික්වල ගොවි පවුල් 228,611ක් සඳහා නොමිලේ යූරියා පොහොර මෙට්‍රික්ටොන් 8360ක් බෙදාදීමේ වැඩසටහනක් අද (10) චාවකච්චේරි ගොවිජන සේවා මධ්‍යස්ථානයේදී සිදු කෙරුණා.
ශ්‍රී ලංකාවේ ජපන් තානාපති මිෂුකෝෂි හිඩ්කි සහ උතුරු පළාත් ආණ්ඩුකාර පී.ඒස්.ඒම්. චාල්ස් මහත්මියගේ ප්‍රධානත්වයෙනුයි සමාරම්භක උත්සවය පැවත් වුණේ.
එක්සත් ජාතීන්ගේ ආහාර සහ කෘෂිකර්ම සංවිධානය විසින් මෙම වැඩසටහන මෙහෙයවන අතර එළඹෙන මාස් කන්නයේ ප්‍රයෝජනය සඳහා ජපන් රජයේ ආධාරයක් ලෙස මෙම යූරියා පොහොර ගොවිජන සේවා මධ්‍යස්ථාන 150ක් මගින් අද සිට නිකුත් කෙරෙනවා.
උතුරු පළාතේ වවුනියාව, මන්නාරම, මුලතිව්, කිලිනොච්චිය සහ යාපනය යන දිස්ත්‍රික්වලත් ත්‍රිකුණාමලය,මඩකලපුව, සහ කුරුණෑගල යන දිස්ත්‍රික්වලත් ජීවත්වන ගොවි පවුල් සඳහා මෙමගින් සෙත සැලසෙනවා.
ව්‍යාපෘතියට ජපන් රජයේ අයෝජනය කරන මුදල ඇමරිකානු ඩොලර් මිලියන 4.6ක්.
ශ්‍රී ලංකාව සහ මාලදියිනේ ඒක්සත් ජාතීන්ගේ ආහාර සහ කෘෂිකර්ම වැඩසටහනේ නියෝජිත විමලේන්ද්‍ර ශරන් මහතා ද මෙම අවස්ථාවට එක්ව සිටියා.
