රටේ ආර්ථිකය ගොඩනඟන අතරම ජනවාර්ගික ප්‍රශ්නයට ද ස්ථීර විසඳුමක් ලබාදෙන බව ජනාධිපති රනිල් වික්‍රමසිංහ පවසනවා.
ජනාධිපති රනිල් වික්‍රමසිංහ සහ ටී.එම්.වී.පී. පක්ෂයේ නායක සිවනේසතුරෙයි චන්ද්‍රකාන්තන් ඇතුළු පාක්ෂිකයින් අතර හමුවක් ඊයේ (22) මඩකලපුවේ පිහිටි එම පක්ෂ මුලස්ථානයේ දී පැවැත්වුණු අවස්ථාවේ දී ජනාධිපතිවරයා මේ බව සඳහන් කළා.
මේ අතර ඉදිරි ජනාධිපතිවරණයේදී ජනාධිපති රනිල් වික්‍රමසිංහට තම පක්ෂයේ සහාය ලබාදෙන බව, ටී.එම්.වී.පී. පක්ෂයේ නායක රාජ්‍ය අමාත්‍ය සිවනේසතුරෙයි චන්ද්‍රකාන්තන් සඳහන් කළා.
නැගෙනහිර පළාත සංවර්ධනය කිරීම සඳහා වූ ජනාධිපති රනිල් වික්‍රමසිංහගේ සැලැස්ම සාර්ථක කරගැනීමට සහාය ලබාදුනහොත් පසෙන් යැපෙන නැගෙනහිර ජනතාවට දෙපයින් නැඟී සිටීමට අවස්ථාව හිමිවන බව ද සිවනේසතුරෙයි චන්ද්‍රකාන්තන් මෙහිදී පැවසුවා.
ඔබේ ප්‍රතිචාරය කුමක්ද ?
+1
1
+1
+1
3
+1
+1
+1
+1
