ජනාධිපතිවරණය පැවැත්වීම, නාම යෝජනා භාර ගැනීම, ඇප තැන්පත් කිරීම සහ ඡන්ද විමසීම සම්බන්ධයෙන් මහජනතාවගේ දැනුවත් වීම පිණිස මැතිවරණ කොමිෂන් සභාවෙන් විශේෂ නිවේදනයක් නිකුත් කර තිබෙනවා.
එම නිවේදනය නිකුත් කර ඇත්තේ 1981 අංක 15 දරා ජනාධිපතිවරයා තෝරාපත් කරගැනීමේ පනතේ 02 වැනි සහ 08 වැනි වගන්ති ප්රකාරවයි.
ජනාධිපතිවරණය සැප්තැම්බර් 21 වැනි දින පැවැත්වෙන අතර එම ඡන්ද විමසීමට අදාළ නාම යෝජනා පත්ර භාර ගැනීම අගෝස්තු මස 15 දහවල් 12 තෙක් සිදු වන අතර ඊට යම් කිසි පාර්ශ්වයකින් විරෝධතාවක් ගොනු කරන්නේ නම්; එය ද එදින පෙරවරු 09 සිට පෙරවරු 11.30 තෙක් කාලසීමාව තුළ රාජගිරිය- සරණ මාවතේ පිහිටි මැතිවරණ කොමිෂන් සභාවේ ප්රධාන කාර්යාලයට සිදු කළ යුතු වනවා.
මෙම නාම යෝජනා පත්ර භාරගැනීම් සිදු වන්නේ රාජගිරිය – සරණ මාවතේ පිහිටි මැතිවරණ කොමිෂන් සභා පරිශ්රයේ ප්රධාන ශ්රවණාගාරයේ දී යි.
නාම යෝජනා භාරදෙන සෑම අපේක්ෂකයෙකු ම නාම යෝජනා භාරදීමට පෙර ඇප මුදල් තැන්පත් කිරීම අනිවාර්යය වනවා.
එමෙන්ම පිළිගත් දේශපාලන පක්ෂයක් විසින් නාම යෝජනා කරනු ලබන අපේක්ෂකයින් හැර අනෙකුත් අපේක්ෂකයින් ඇප මුදල් භාරදීමේ දී ව්යවස්ථාදායකයේ තෝරා පත් කරනු ලැබූ මන්ත්රීවරයෙකු බව හෝ මන්ත්රීවරයෙකුව සිටි බව පාර්ලිමේන්තුවේ මහ ලේකම්වරයාගේ අත්සන යටතේ වූ සහතිකයක් මගින් සනාථ කිරීම අනිවාර්යය අවශ්යතාවක් වන බව ද මැතිවරණ කොමිෂන් සභාව දැනුම්දී තිබෙනවා.
