මෙරට චීන තානාපති කී ෂෙන්හොං සහ විදේශ කටයුතු අමාත්ය විජිත හේරත් අතර හමුවක් සිදුව තිබෙනවා.
විදේශ කටයුතු අමාත්යංශයේ දී අද (29) පෙරවරුවේ මෙම හමුව සිදුවූ බවයි වාර්තා වුණේ.
ශ්රී ලංකාව සහ මහජන චීන සමූහාණ්ඩුව අතර පවතින ව්යාපෘතිවල ප්රගතිය, විශිෂ්ට සහයෝගීතාවය සහ නව වසරේදී රටවල් දෙක අතර මෙම කල් පවත්නා හවුල්කාරිත්වය තවදුරටත් ශක්තිමත් කිරීමේ ක්රම පිළිබඳව මෙහිදී සාකච්ඡා කළ බවයි එක්ස් සටහනක් තබමින් අමාත්ය විජිත හේරත් පවසන්නේ.
එමෙන්ම විදුලි රථ වාහන ආරෝපණ මධ්යස්ථාන දිවයින පුරා ස්ථාපිත කිරීමට චීන රජයේ අවධානය යොමු කරන්නැයි අමාත්යවරයා මෙහිදී ඉල්ලා තිබෙනවා.
චීනය ඇතුළු ලෝක රථවාහන වෙළෙඳපොළෙන් ශ්රී ලංකාව විශාල වශයෙන් විදුලි රථ වාහන ආනයනය කිරීමට නැඹුරු වී ඇති බැවින් රට පුරා ආරෝපණ මධ්යස්ථාන චීන පරිත්යාගයක් ලෙස සවි කිරීම පිළිබඳවයි මෙහිදී අවධානය යොමු කර ඇත්තේ.
මේ අතර ගංවතුර තත්ත්වය හේතුවෙන් විනාශ වූ දුම්රිය මාර්ග සහ පාලම් නැවත ප්රතිසංස්කරණය කිරීමටද චීන රජයෙන් කඩිනම් සහාය බලාපොරොත්තු වන බව ද අමාත්යවරයා සඳහන් කර තිබෙනවා.
අදාළ යෝජනා ධනාත්මකව පිළිගත් චීන තානාපතිවරයා ඒ පිළිබඳව චීන රජය දැනුවත් කිරීමට එකඟතාව පළ කර ඇති බව සඳහන්.
