චීන අධිරාජ්‍යය නැවත ලොක් ඩවුන් කෙරෙයි….

කොවිඩ් ආසාධිතයන් කිහිප දෙනෙකු හමුවීමත් සමග චීනයේ ප්‍රධාන වාණිජ නගරය වන ෂැංහයි නගරය අධියර 02 ක් යටතේ ලොක්ඩවුන් කිරීම ආරම්භවී තිබෙනවා.

මේ අනුව මිලියන 25 කට ආසන්න පිරිසක් වාසය කරන ෂැංහයි නගරයේ සැළිකිය යුතු පිරිසක් කොවිඩ් පරීක්ෂණවලට ලක් කිරීමටද පියවර ගැනෙනු ඇති.

අද සිට අප්‍රේල් පළමුවනදා දක්වා ෂැංහයි නගරයේ නැගෙනහිර කොටස්ද අප්‍රේල් පළමුවනදා සිට 05 වනදා දක්වා බටහිර කොටස්ද මෙලෙස ලොක්ඩවුන් කිරීමට නියමිතයි.

සියලු පොදු ප්‍රවාහන සේවා අත්හිටුවෙන අතර කම්හල් සහ කාර්යාලවල මෙහෙයුම් කටයුතුද නතර කල යුතු වනවා.

කොවිඩ් වසංගතයේ ආරම්භයත් සමග චීනය විසින් සිදුකරන විශාලතම ලොක්ඩවුන් කිරීම මෙය බවටයි විචාරකයන් පෙන්වා දී ඇත්තේ.