මොරගොඩ – අලංකුම රක්ෂිතය තුළ කලාන්තරයක් තිස්සේ ඉතා රහසිගතව පවත්වාගෙන ගිය දඩමස් ජාවාරමක් වටලා පුද්ගලයින් සිව්දෙනෙකු මොරගොඩ වනජීවී කාර්යාලයේ නිලධාරීන් විසින් අත් අඩංගුවට ගනු ලැබුවා.
දසත ප්රාදේශීය වාර්තාකරු පැවසුවේ; සැකකරුවන් සමග ගෝන මස් කිලෝග්රෑම් 18ක් ද සොයාගත් බවයි.
මෙම වැටලීම ඊයේ (28) දින සිදු කෙරුණා.
වටලෑම සිදුවන අවස්ථාවේ දී ද සැකකරුවන් එම රක්ෂිතයේ සිටි ගෝනෙකු මරා; මස්කර අලෙවි කිරීමට සූදානම් කර තිබූ බවයි පැවසෙන්නේ.
ගෝනුන් දඩයම් කිරීමට භාවිත කල දේශීය වශයෙන් නිෂ්පාදනය කළ නීතිවිරෝධී පතුරම් තුවක්කුවක්, පිහියක් හා විදුලි පන්දම් ඇතුළු උපකරණ රැසක් ද සොයා ගැනුණා.
මෙම දඩ මස් ජාවාරම සම්බන්ධයෙන් අත්අඩංගුවට ගැනුණ සැකකරුවන් ගලෙන්බිඳුණුවැව, ගැටලාව හා ඒ අවට ප්රදේශවල පදිංචිකරුවන්.
ඔවුන් වයස අවුරුදු 20,23,37 හා 40 යන වයස්වල පසුවන්නන්.
සැකකරුවන් හා නඩු භාණ්ඩ කහටගස්දිගිලිය මහේස්ත්රාත් අධීකරණයට ඉදිරිපත් කිරීමට නියමිතයි.
