වැලිපිටිය කොට්ඨාස අධ්‍යාපන කාර්යාල බල ප්‍රදේශයට අයත් වැලිගම දෙණිපිටිය මහා විද්‍යාලයේ සේවය කළ ගුරුවරුන් 06 දෙනෙකුට ඉකුත් ජුනි මාසයේ සිට ස්ථාන මාරුවීම ලබාදීමට එරෙහිව එම පාසල ඉදිරිපිට අද (25) පෙරවරුවේ විරෝධතාවයක් පැවැත් වුණා.
දෙමව්පියන් පිරිසක් සහ සිසුන් පිරිසක් එක්ව මෙම විරෝධතාව පැවැත් වූ බවයි අප වාර්තාකරු සඳහන් කළේ.
මාරුකර යැවූ ගුරුවරුන් වෙනුවට වෙතන් ගුරුවරුන් 06 දෙනෙක් පාසැල වෙත අනියුක්තකර ඇති නමුත් දෙමව්පියන් පවසා සිටියේ දරුවන් විභාගයට ඉදිරිපත්වන කාලය ඉතා ලංව ඇති බැවින් එම ගුරුවරුන් මාරු කිරීම ඉතා අසාධාරණ බවයි.
අනතුරුව ඔවුන් කොට්ඨාස අධ්‍යාපන කාර්යාලය වෙත ගොස් එහිදී ද විරෝධතාවයේ නිරත වූ බවයි වාර්තා වුණේ.
එහිදී කොට්ඨාස අධ්‍යාපන අධ්‍යක්ෂකවරයා පවසා ඇත්තේ මාරුකර යැවූ ගුරුවරුන් සම්බන්ධ ගැටළුවට සාධාරණ පිළිතුරක් ලබාගැනීම සඳහා කලාප අධ්‍යාපන අධ්‍යක්ෂකවරයා හමුවන ලෙසයි.
