කාන්තාවකගේ කැමැත්තෙන් තොරව අනාරක්ෂිතව ලිංගිකව එක්වීම සම්බන්ධයෙන් එල්ල වූ චෝදනාවෙන් නිදොස්කොට නිදහස් කළ ශ්රී ලංකා ක්රිකට් ක්රීඩක ධනුෂ්ක ගුණතිලකට එරෙහිව එරට පොලීසිය අසාධාරණ ලෙස කටයුතු කර ඇති බව සිඩ්නි අධිකරණයක් තීන්දු කර තිබෙනවා.
ඒ, අනුව සිඩ්නි අධිකරණය නියෝග කර ඇත්තේ ගුණතිලකගේ නඩු ගාස්තු ඔහුට ලබාගත හැකි පරිදි සහතිකයක් නිකුත් කරන ලෙසටයි.
පසුගිය වසරේ නිමා වූ විස්සයි විස්ස ලෝක කුසලාන තරගාවලිය අතර තුර ටින්ඩර් දුරකථන ඇප් එකක් හරහා හඳුනාගත් ඕස්ට්රේලියානු ජාතික කාන්තාවකට ඇයගේ නිවසේ දී අතවර කළ බවට ගුණතිලකට එරෙහිව චෝදනා එල්ල වී තිබුණා.
මෙම චෝදනාව සම්බන්ධයෙන් සිඩ්නි පොලීසිය විසින් අත්අඩංගුවට ගැනුණු ගුණතිලකට පවරා තිබූ නඩුවෙන් පසුගිය සැප්තැම්බර් මාසයේදී ඔහු නිදොස්කොට නිදහස් කිරීමටයි සිඩ්නි අධිකරණය නියෝග කළේ.
ඔබේ ප්රතිචාරය කුමක්ද ?
+1
4
+1
+1
8
+1
3
+1
+1
1
+1
3
wpDiscuz
