නිරිත දිග බෙංගාල බොක්ක මුහුදු ප්රදේශයේ පවතින ගැඹුරු පීඩන අවපාතය, අද (09) පස්වරු 01.00 වන විට මඩකලපුව සිට කිලෝමීටර් 160 ක් පමණ නැගෙනහිර දෙසින් පිහිටා තිබුණු බව කාලගුණ විද්යා දෙපාර්තමේන්තුව විසින් නිකුත් කළ අවසන් නිවේදනයේ සඳහන් වුණා.
එය වයඹ දෙසට ගමන් කර හෙට (10) දින පෙරවරු 11.30 ත් ප.ව. 5.30 ත් අතර කාලයේදී ත්රිකුණාමලය සහ යාපනය අතර ශ්රී ලංකා වෙරළ තීරය හරහා ගමන් කිරීමට බොහෝ දුරට ඉඩ ඇති බව එම නිවේදනයේ සඳහන්.
ඒ අනුව දිවයිනේ උතුරු අර්ධයේ අහස වලාකුළින් බරව පවථිඅ බවයි එම නිවේදනයේ සඳහන් වුණේ.
උතුරු පළාතෙත් අනුරාධපුර සහ ත්රිකුණාමලය දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති විය හැකි බවත් උතුරු පළාතේ ඇතැම් ස්ථානවලට මිලි මීටර් 100 ට වැඩි තද වැසි ඇති වීමේ හැකියාව පවතින බවත් කාලගුණ විද්යා දෙපාර්තමේන්තුව පෙන්වා දෙනවා.
එමෙන්ම වයඹ, මධ්යම, නැගෙනහිර සහ ඌව පළාත්වලත් පොළොන්නරුව දිස්ත්රික්කයේත් වැසිවාර කිහිපයක් ඇති විය බව එම නිවේදනයේ සඳහන්.
ඊට අමතරව සෙසු ප්රදේශ වල සවස් කාලයේ හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති වීමේ හැකියාව පවතිනවා.
උතුරු සහ උතුරු – මැද පළාත්වලත් ත්රිකුණාමලය දිස්ත්රික්කයේත් විටින් විට හමන පැයට කිලෝ මීටර් 50-60 දක්වා වන ඉතා තද සුළං සමඟ විටින් විට හමන පැයට කිලෝ මීටර් 70 දක්වා වන ප්රහාරාත්මක සුළං ඇතිවිය හැකි බවද කාලගුණ විද්යා දෙපාර්තමේන්තුව අනතුරු අඟවා තිබෙනවා.
වයඹ, මධ්යම, ඌව සහ බස්නාහිර පළාත්වල විටින් විට හමන පැයට කික්ලෝ මීටර් 40-50 දක්වා වන තරමක තද සුළං ඇතිවිය හැකි බවත් සඳහන්.
ගිගුරුම් සහිත වැසි සමග ඇති විය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.
