පසුගියදා නිමාවට පත් වූ සංචාරක ඔස්ට්රෙලියානු ටෙස්ට් කණ්ඩායමට එරෙහිව පැවති ටෙස්ට් තරගාවලියේ දී දඟ පන්දුවෙන් දස්කම් පෑ ඔස්ට්රෙලියානු පන්දු යවන්නෙකු වන මැතිව් කුහ්නමන්ගේ පන්දු යැවීමේ ඉරියව්ව සැක සහිත බැවින් ජාත්යන්තර ක්රිකට් කවුන්සිලය මගින් ඔහුව පරීක්ෂණයකට භාජනය කරනු ලැබුවා.
ඒ ඊයේ (19) දිනයේ දී ඔස්ට්රෙලියාවේ බ්රිස්බේන් හි දියි.
මෙම පරීක්ෂණයේ ප්රතිඵල ලබන සති අන්තය වන විට නිකුත් වීමට නියමිත ව තිබෙනවා.
වමත් දඟ පන්දු යවන්නා සිය ප්රතිඵල අපේක්ෂාවෙන් සිටින අතර කුමන හෝ අවස්ථාවක එම ප්රතිඵලය අයහපත් වුවහොත් ඔහුට ජාත්යන්තර ක්රිකට් පිටියේ තරගවල පන්දු යැවීම තහනම් වනු ඇති බවටයි විශ්වාස කෙරෙන්නේ.
බ්රිස්බේන් හි ජාතික ක්රිකට් මධ්යස්ථානයේ දී මෙම පරීක්ෂණයට කුහ්නමන් භාජනය වූ අතර ඉදිරියේදී ඒ සම්බන්ධයෙන් සියලු ම ප්රකාශ ICC විසින් නිකුත් කරනු ලැබීමට නියමිතයි.
බ්රිස්බේන් හි පැයකට වැඩි කාලයක් පැවති සැසියක දී 28 හැවිරිදි කුහ්නමන්ගෙන් ඔහු ගාල්ලේ දී සිය පන්දුව යවන ලද වේගයෙන් ම පන්දු යවන ලෙසට පරීක්ෂණයේ දී දැනුම්දී තිබෙනවා.
ජාත්යන්තර ක්රිකට් කවුන්සිලයේ (ICC) විශේෂඥයින් කුහ්නමන්ගේ ශරීරයේ සලකුණු පැළඳ සිටි අතර අධිවේගී කැමරා කිහිපයකින් සහ ත්රිමාණ චලන විශ්ලේෂණ පද්ධතියකින් ඔහුව වටකර සිටියා.
කුහ්නමන්ගේ පන්දු යැවීමේ ඉරියව්ව ඔහුගේ වැලමිට අංශක 15කට වඩා දිගු කර ඇති බව අනාවරණය වුවහොත්, ඔහුට පන්දු යැවීම තහනම් කරන බවයි වාර්තා වන්නේ.
