සංචාරක බටහිර ඉන්දීය කොදෙව් කාන්තා කණ්ඩායමට එරෙහිව පැවැත්වෙන දෙවැනි පන්දුවාර 20 ක්‍රිකට් තරගාවලියට වර්ෂාවෙන් බාධා එල්ල වී තිබෙනවා.
අද (26) තරගය හම්බන්තොට ක්‍රීඩාංගණයේ දී ඇරඹුණේ කොදෙව්වන්ට කාසියේ වාසිය ද හිමිකර දෙමින්.
ඒ අනුව කොදෙව් නායිකා Hayley Matthews තීරණය කළේ පළමු ව පන්දුවට පහරදීමට ශ්‍රී ලංකා කාන්තා කණ්ඩායමේ නායිකා චමරි අතපත්තු ප්‍රමුඛ පිරිසට අවස්ථාව ලබාදීමටයි.
කොදෙව් ක්‍රීඩිකාවන්ගේ ඇරයුම පිළිගත් ශ්‍රී ලංකා කාන්තා කණ්ඩායම වර්ෂාව ඇදහැලෙන විට පන්දුවාර 15කුත් පන්දු 02ක් අවසානයේ දී කඩුලු 04ක් දැවී ලකුණු 89ක් ලබාගෙන සිටියා.
05 වැනි කඩුල්ලට පිටියෙහි රැඳී සිටියේ හසිනි පෙරේරා සමගින් කවීෂා දිල්හාරි යි.
කඩුලු බිඳ දැමීමේ දී කොදෙව් ක්‍රීඩිකාවන් වෙනුවෙන් Afy Fletcher ලකුණු 23කට කඩුලු 04ක් බිඳ දැමීමට සමත් වුණා.
දෙරට අතර නිමාවට පත් වූ පළමු ටී20 තරගයේ ජය ද හිමිවූයේ කඩුලු 04කින් ශ්‍රී ලංකා කාන්තා කණ්ඩායමටයි.
අද තරගය ශ්‍රී ලංකා කාන්තා කණ්ඩායම ජය ගතහොත් පන්දුවාර 20 තුන් තරගාවලියේ තරග 2-0ක් ලෙස වේලාසනින් ම ශූරතාව හිමිකර ගැනීමට ද ශ්‍රී ලංකාවට හැකි වනු ඇති.
