තරග දෙකකින් සමන්විත ටෙස්ට් තරගාවලියේ ශූරතාව සම මට්ටමට පත් කරගැනීමට සංචාරක කොදෙව්වන් සමත් වුණා.
ඒ මුල්තාන් හි දී පැවැති අවසන් ටෙස්ට් තරගය ලකුණු 120කින් ජය ගනිමින්.
තරගයේ කාසියේ වාසිය දිනාගත් කොදෙව්වන් පළමු ව පන්දුවට පහරදීමට තීරණය කළ අතර ඔවුන් පළමු ඉනිම වෙනුවෙන් සියලු දෙනා දැවී ලකුණු 163ක් ලබා ගත්තා.
පළමු ඉනිමේ දී කොදෙව්වන්ගෙන් කඩුලු 06ක් ලකුණු 41ක දී බිඳ දැමීමට නෝමන් අලි සමත් වීමත් කැපී පෙනුණා.
ඉන් අනතුරුව සිය පළමු ඉනිමට පිතිකරණය ඇරඹි පාකිස්තානය සියලු දෙනා දැවී රැස් කළේ ලකුණු 154යි.
පසුව සිය දෙවැනි ඉනිමට පිතිකරණය ඇරඹි බටහිර ඉන්දීය කොදෙව්වන් සියල්ලන් දැවී ලකුණු 244ක් ලබාගත්තා.
පළමු ඉනිමේ ලත් සුළු පිතිකරණ වාසියත් සමගින් ඉදිරියට ගිය කොදෙව්වන්ගෙන් පාකිස්තානයට ජයග්රහණය සඳහා ලකුණු 253ක ඉලක්කයක් හිමි වුව ද පාකිස්තානයට කොදෙව් පන්දු යවන්නන් හමුවේ සියල්ලන් ම දැවී ලබාගත හැකි වූයේ ලකුණු 133ක් පමණි.
ඒ අනුව දෙවැනි ටෙස්ට් තරගය කොදෙව්වන් ලකුණු 120කින් ජය ගත්තා.
තරගයේ වීරයා සහ තරගාවලියේ වීරයා සම්මාන ද්විත්වයම කොදෙව් ක්රීඩක Jomel Warrican ට හිමිවුණා.
මේ අතර මෙම ටෙස්ට් තරගාවලිය කොදෙව්වන් අවසන් කළේ ශ්රී ලංකාව ටෙස්ට් තරගාවලියක දී තබා තිබූ දඟ පන්දු යවන්නන් විසින් බිඳ දමනු ලැබූ වැඩිම කඩුලු සංඛ්යාවේ වාර්තාව ද තමන් සතු කරගනිමින්.
ඒ අනුව මෙම තරගාවලිය අවසන් වන විට කොදෙව් දඟ පන්දු යවන්නන් කඩුලු 68ක් බිඳ දමා ඇති අතර 2021 වසරේ දී ශ්රී ලංකාව සහ කොදෙව්වන් අතර පැවති ටෙස්ට් තරගාවලියේ දී ශ්රී ලංකාව තබා තිබූ කඩුලු 67 වාර්තාව මෙලෙස අද (27) දිනයේ දී බිඳ වැටුණා.
