කොටහේන ප්රදේශයේ 15 හැවිරිදි දැරියක් සියදිවි හානිකර ගැනීමේ සිද්ධිය සම්බන්ධයෙන් ළමා හා කාන්තා අපයෝජන නිවාරණ හා විමර්ශන කාර්යාංශය වැඩිදුර විමර්ශන ආරම්භ කර ඇති බව නිවේදනයක් නිකුත් කරමින් පොලිසිය පවසනවා.
අදාළ දැරියගේ මරණයෙන් පසු ළමා හා කාන්තා අපයෝජන නිවරණ හා විමර්ශන කාර්යාංශයේ 109 දරණ හදිසි දුරකථන අංකයට තුන්වන පාර්ශ්වයක් විසින්; මෙම දැරිය සහභාගී වූ උපකාරක පංතියකදී එම ආයතනය පවත්වාගෙන යන පුද්ගලයා විසින් දරුවන් ඉදිරියේ එම මානසික පීඩනයට පත්කර ඇති බවත් ඒ හේතුවෙන් මෙම මරණය සිදුව ඇති බව සඳහන් කරමින් එම පැමිණිල්ල ඉදිරිපත් කර ඇති බවයි පොලිසිය සඳහන් කළේ.
එම දැරිය බම්බලපිටිය ප්රදේශයේ කාන්තා විද්යාලයක අධ්යාපනය ලබා පසුව කොටහේන ප්රදේශයේ කාන්තා විද්යාලයක අධ්යාපනය ලබමින් සිටිය දී අදාළ සිදුවීමට මුහුණදී ඇතැයි ද පොලිසිය පවනවා.
මේ අතර ඇය බම්බලපිටිය ප්රදේශයේ පාසලක අධ්යාපනය හදාරන කාලයේ ම පාසලේ ගුරුවරයෙකුගේ අතවරයට ලක්ව ඇති අතර ඒ සම්බන්ධයෙන් පොලිසියට ලද පැමිණිල්ලකට අනුව විමර්ශන සිදුකර සැකකාර ගුරුවරයා පසුගිය ජනවාරි 08 වනදා අත්අඩංගුවට ගෙන ජනවාරි 10 වනදා දක්වා රක්ෂිත බන්ධනාගාරගත කර පසුව ඇප මත මුදාහැර තිබෙනවා.
සැකකරුට විදෙස් ගමන් තහනමක් ද පනවා ඇති අතර, එම නඩුව ලබන 19 වැනිදා යළි කැඳවීමට නියමිත බවයි පොලිසිය පැවසුවේ.
මේ ඇත අදාළ දැරිය දරුවන් ඉදිරියේ එම මානසික පීඩනයට පත්කළ බවය කියන සැකකාර ටියුෂන් ආයතනයේ හිමිකරු ඊයේ (09) අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කළා.
තමාගේ පිංතූර යොදාගනිමින් තමාගේ නමට ද අපහාස කරමින් හිතාමතා පිරිසක් විසින් සිදුකරනු ලබන ප්රචාරයන් සම්බන්ධයෙන් නිසි විමර්ශනයක් සිදුකරන ලෙස ඉල්ලා ඔහු මෙම පැමිණිල්ල ඉදිරිපත් කරනු ලැබුවා.
