නීතිවිරෝධී මත්ද්‍රව්‍යයක් වන ‘කේරළ ගංජා’ මෝටර් රථයකින් ප්‍රවාහනය කරමින් සිටි පුද්ගලයින් දෙදෙනකු මුන්දලම පොලිසිය සහ පොලිස් විශේෂ කාර්යය බලකායේ නිලධාරින් විසින් අත්අඩංගුවට ගනු ලැබුවා.
දසත ප්‍රාදේශීය වාර්තාකරු පැවසුවේ; ඊයේ (28) රාත්‍රියේ පුත්තලම – හලාවත මාර්ගයේ මංගළඑළිය – නවදන්කුලම ප්‍රදේශයේ දී සැකකරුවන් අත්අඩංගුවට ගත් බවයි.
සැකකරුවන් මදුරන්කුලිය – සෙම්බැට්ටේ සහ මංගළඑළිය යන ප්‍රදේශවල පදිංචිකරුවන්.
ආණමඩුව – මහකුඹුක්කඩවල ප්‍රදේශයේ පදිංචිව සිටින මහා පරිමාණයෙන් නීතිවිරෝධී මත්ද්‍රව්‍ය ජාවාරම් කරන පුද්ගලයෙකුට ගංජා තොගයක් මෝටර් රථයකින් රැගෙන යන බවට වන තොරතුරක් සංවිධානාත්මක අපරාධ කොට්ඨාසයේ විශේෂ කාර්ය බලකායේ නිලධාරීන්ට ලැබී ඇති අතර ඒ අනුවයි මෙම විමර්ශන සිදු කර ඇත්තේ.
සිද්ධිය සම්බන්ධයෙන් වැඩිදුර විමර්ශන කටයුතු මුන්දලම පොලිසියෙන් සිදු කරනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
