විදෙස් ගතව සැඟව සිටින අපරාධ කල්ලි නායක කෙහෙල්බද්දර පද්මෙ යන අයට “දොන් අධිත්ය අභිමාන ” නමින් ව්යාජ උප්පැන්න සහතිකයක් ලියාපදිංචිකර නිකුත් කළ බව කියන සිද්ධියකට රක්ෂිත බන්ධනාගාරගතව සිටි සීතාවක ප්රාදේශීය ලේකම් කාර්යාලයේ අතිරේක රෙජිස්ට්රාර් රුවිනි වාසනා සැකකාරිය ඇප මත මුදාහැරීමට කොළඹ ප්රධාන මහේස්ත්රාත් තනූජා ලක්මාලි මහත්මිය අද (28) නියෝග කළා.
අපරාධය පරීක්ෂණ දෙපාර්තමේන්තුවේ තැනැත්තන්, ජාවාරම් විමර්ශන හා සමුද්රීය අපරාධ විමර්ශන අංශය මගින් පසුගිය 24 දින අත්අඩංගුවට ගෙන අධිකරණයට ඉදිරිපත් කිරීමෙන් පසුව රක්ෂිත බන්ධනාගාරගත කර සිටි සැකකාරිය රුපියල් ලක්ෂ දහයක ශරීර ඇප දෙකක් මත මුදාහරින ලෙස ප්රධාන මහේස්ත්රාත්වරිය නියෝග කරනු ලැබුවා.
ව්යාජ ලියාපදිංචිය සිදු කළේ යැයි කියන පරිගණක දත්ත පද්ධතිය මොරටුව විශ්ව විද්යාලය වෙත යොමුකර වාර්තාවක් කැඳවීමට ද මෙහිදී නියෝග කරනු ලැබුවා.
අපරාධ පරීක්ෂණ දෙපාර්තමේන්තුවේ නිලධාරීන් වැඩිදුර වාර්තාවක් ඉදිරිපත් කරමින් කියා සිටියේ රාජ්ය නිලධාරියෙකුව සිටිමින් ව්යාජ විදෙස් ගමන් බලපත්රයක් සැකසීමට ආධාර අනුබල දීම, දණ්ඩ නීති සංග්රහයේ හා ආගමික විගාමික පනතේ වරදවල් සිදුකිරීම සම්බන්ධයෙන් සැකකාරියට එරෙහිව තවදුරටත් විමර්ශන සිදුකරන බවයි.
